ثقافة الهرج و المرج
 

يا سبحان الله ، ولاو يضحكوا أعلينا ضحك ، قالونا باللي هذا نشاط ثقافي كبير و صرفنا أعليه أموال طايلة و سميناه الجدزائر عاصمة الثقافة العربية ، و قدامه ميعاد آخر ما نيش عارف حتى كي سماوه ، أعلى خاطر داروه في فرسنا و البزناسة طالعين و مهودين و الفيزا ضامنة و الدوفيز بزاف ، أحنا لقلاليل و اش رانا أنقولوا ، يا جماعة أدوا المال و خلونا ثقافتنا ، أدوا الفيزا و ما أتاجروش بالثقافة ، أعلى خاطر الثقافة ماهيش ضرب البندير و الرقص و هز لكتاف ، الثقافة هي زبدة الحضارة و الحضارة كيما عندها جانب مادي عظيم عندها واحد آخر المعنوي و هو اللي أنسموه الثقافة ، راني أنحير في مهراجانات أبلادي ، وين كلمة تكريم ، و شهادة استحقاق ، شهادة تقدير ، كلها تتقال تنوفيق و كذب و زور ، أعلى خاطر اللي يتساهلوا عمرهم ما راحوا شاركوا ، ما يعرفوش لي فيسال أنتاع المهرجانات ، و ما يعرفوش مساكين إيخيطوا و ما يعرفوش اينوفقوا .

رد: ثقافة الهرج و المرج
 

راك قلتها الثقافة هي زبدة الحضارة...وأنت راك عارف بللي الزبدة تجي من الحليب بعد المخض ولكن أين الحليب؟وهل مايستورد حليب؟ واذا استخلنا منه زبدة فهل هي لنا أم لغيرنا..قيس على ذلك.مشكور

رد: ثقافة الهرج و المرج
 

نتمنى منك تسمع لاغنية .
البقرة حلوب حا حا
تحلب قنطار حا حا
لكن مسلوب حا حا
من اهل الدار حا حا