الله لا يربحك يا دراكيلا
 

البارح قارات السيارة الكحلة قدام بابنا و أحنا بابنا كبير و عنده أشحال من دخلة ، نزل راجل أرفح على حياب كرشه ، و لكرافاطة عوجة و لونها احمر ، و قال لينا أنا المدير الجديد أنتاع الأنتروبريز أنتاعكم ، أضحك و قال عفواً أنا المصفي ، الليكيداتور ، دخل للبيرو و بلع على روحه و قعد وقت ظنيته أطويل أعلى خاطر كنت أمقلق و راح اليكيدي هذا البنادام ، خرجت كرافاطته محلولة و قارو مالبورو في يده ، و قال لينا المؤسسة راهي فاييت ، و أنتما راح انسرحوكم ، طبعا ماراحش ناكلوكم راح نعطيكم بري يا في ..قربت منه و قلت له يا سيدي و هذا الماتريال وين إيروح ، قالي هذي حاجة خاطيتك أنت ، بلاك تنباع في لونشير و بلاك قاع المؤسسة تتباع ما زال ما قررنا ..و هو يهدر و يحل في فمه كنت انشوف في نيبانه ايسيل منهم دمي و دم خوتي الزوالية و تفكرت أدراكيلا ...و شفت الطمع بعينيه ، طمعوا في الماتريال أنتاعنا و في مؤسستنا و لكن بلا بينا أحنا ، راح يرمونا ،؟ راح يعطونا باش أنديروا طابلات أنتاع دخان ...الله لا يربحكم

رد: الله لا يربحك يا دراكيلا