|
ما يدوم غير الصح
مايدوم غير الصح
بكيت و حطيت على المخدة راسي نكتم في قلبي ولانصارح حايرة مع روحي كيفاه نواسي نهدر ونقول ولّا نضرب النّح خممت شويا وقلت خليني نقاسي خليني هاكذا نتعذب و بلموس نتذبح نبكي حتى يوجعني راسي بالاك لبكا يداوي قلبي لي تنجرح بالاك يحسو بيا أعز ناسي بالاك يفيقو بجرحي لي تنفتح رجعت ودورت ّصفاحي وغلقت كراسي قلت في هاذ الدنيا مايدوم غير الصح دنيا ما يعيش فيها غير لي قلبو قاسي لي يخمم في روحو و ينسى واش دار البارح مسحت دموعي ورديت نفاسي ياك انا تان كان قلبي قاسح كنت نآذي ، نجرح و نضرب بفاسي ولا نهار خممت في ذاك لي راهو بسبابي طايح كنت نخاف نبكي و يتقاس احساسي كان لساني ينطق غير بالكلام الجارح عاودت قلبت الصفاحي و فتحت كراسي حتى لحقت لصفحة كنت فيها وحدي نتلاوح طاحت من عيني دمعة ، مسحتها وحطيتها في كاسي نسقي بيها ورود قلبي بالاك تتفتح نضت ورفدت من المخدة راسي ما عرفتش اذا نضحك ولاّ انوّح محيت من بالي الّي فات وغلقت قواسي تعلمت كيفاش نعيش ، نرقد و قلبي مريّح نكملها بلي جات، عقلي شافي ولّا ناسي ياك الدنيا هاذي مافيها حتى حااااااااااجة تفرح بقلم خوجة سعاد رويبة |
رد: ما يدوم غير الصح
كلماتك جميلة واحساسك متدفق من قلب قد ادماه الزمن بعد ان وجه له اقوى ضرباته صبرا اختاه صبرا وثقة بالله فكلنا نعاني ادعو الله ان يفرج عنك حزنك ويذهب همك
|
رد: ما يدوم غير الصح
الله الله حقيقة مبدعة في قمة الرووعة بارك الله فيك
|
رد: ما يدوم غير الصح
كلمات جميلة تجعلك تحس أنها نابعة من الصميم
أختي الكريمة حبذا لو تحترمي القافية أكثر لأنها جزء مهم في جودة القصيدة مثلا : بين نصارح و نتذبح كما أن تكرتر القافية كثيرا يعد عيبا من عيوب القافية أتمنى أن تكون المحاولات الأخرى أجمل تحياتي أخوك عبد السلام |
رد: ما يدوم غير الصح
رائعة أختي وكان الله في عونك
|
رد: ما يدوم غير الصح
شكرا اخي على مروووورك
|
| الساعة الآن 03:32 AM. |
Powered by vBulletin
قوانين المنتدى