صراتلي في المحكمة وحاب نفهم
 

رحت نخرج في ورقة من الاوراق الي بيهم كثرو البيروقراطية
المهم خلوني نفرغ قلبي قعد في الكولوار نستنى في السيد الي يخرج الكواغط (في الجزائر عمرك ولا تصيبو في المكتب نتاعو دايمن اهو طلع اهو راح يجيب الدوصيات مانيش عارف) المهم انا قاعد في الكولوار نستنى فيه ومخلي صوالحي جبت الهاتف باه نريقلي صوالحي الي مضيعهم
يخرج وحد السيد اكرمكم الله حيوان ناطق باتم معنى الكلمة بدا يترجل اسمع واي اغلق التليفون واااااااي انا عمبالي كاش حاجة جا ليا يطير
جاوبتو بالعقل (خوكم قليل صحة وهو صور ) غير الخير خويا علاه راك تطير علاه راك تضبح قلتلو مانيش ندير في الفوضة انا نهدر كالم في تليفوني المهم خص غير يضربني مع التالي طلعلي الغاز بديت نعرش جابلي الشرطة انا وليد بلاد ويعرفوني الشرطي قلي هذا النائب العام ................امممممممممم واومبعد النائب العام يستعمل السلطة نتاعو بتعسف مع مواطن جا يحوس على صوالحو
المهم خرجت مقنوط ووكلت ربي عليه
جيت نحكي في القصة لجماعتي بديت نسمع في العجب واش صاري في المحاكم الجزائري من اذلال للمواطنين (ماشي المجرمين ) المواطني الي جا يخلص بروسي الي جاي يوس على ورقة يتعرضو لمختلف انواع الذل من طرف المراهقين من القضاة الي يستعملو في سلطتهم ماشي لاحقاق العدل بل بالعكس باه يبيعو ويشرو مع اصحاب البطون المنتفخة والمواطن الي عمرو مادخل على قضية يشبعوه مقروط تحسب هو الي دار تسونامي
اسمحولي البلاد هاذي ماتتسقمش

رد: صراتلي في المحكمة وحاب نفهم
 

ربي مع كامل الناس
البلدان مع مطلع الالفية دارو حاجة يسموها الحكومة الالكترونية , والدزاير ما زال يحوسو غير كيفاه يبهدلو الناس

رد: صراتلي في المحكمة وحاب نفهم
 

يااخى دولة شعارها من الشعب والى الشعب والذي يعنى انه الهم ومزيريةوفوضي التى يتسبب فيها الشعب تعود اليه واش حبيت منها وهذاك الناهب العام لم يحصل على وظيفته بكفائته لانه يخاف علي منصبه وانما وضع من طرف مسعول كبير ولهذا تجده كالديك المنفوخ لانه يعرف بلى مكا حتى واحد يطيره بصح انت لوكنت مواطن صالح كنت رجعتله الصرف وخلى وين توصل توصل

رد: صراتلي في المحكمة وحاب نفهم
 

رد: صراتلي في المحكمة وحاب نفهم
 

زمان في وقت آلكابون (الله يرحم صالحين).. القاضي و في محاكمته الشهيرة قال له "و بعد كل ما فعلت راك حاسب نفسك مواطن امريكي؟

نهض آلكابون بكول تأدوب و قالو :( واش دخلك) هادي قالهالو في قلبو... و من بعد اردف مسمعا: انا ادفع ضرائبي كلها و جلس

في دولة مواطنة كأمريكا (ربى قال الارض يرثها صالحون مقالش مسلمين) الناس شركاء في الحكم و التسيير و الحقوق و و الواجبات
..و في دولة رعاع "ريعية " مثل الجزائر
الحاكم يعفس عليك و معلبلوش بيك موت واقف باسكو مازالنا واقفين

رد: صراتلي في المحكمة وحاب نفهم
 

بيان سير الجزايريين مازال واقفين ويبقاو واقفين , فالمحكمة وافقين يستناو, وفي لاميري واقفين يستناو ,في جميع المباني الحكومية والدوائر الحكومية يستناو, فالسيبطارات وافقين يستناو
يا راجل حتى الدزيري ولا عندو مرض كي ما يلقى واش يدير يخرج لطريق ويوقف يستنى,

رد: صراتلي في المحكمة وحاب نفهم
 

هههههههههههههههههههههههه شعب مريض مهبول كامل هههه و الله كي نسمه عليهم نشد كرشي الله يهديهم

رد: صراتلي في المحكمة وحاب نفهم
 

هذي هي الدولة تاعنا الله غالب

رد: صراتلي في المحكمة وحاب نفهم
 

مي هايلة تقتل باضحك جايحين كامل اللهم اني صائمة

رد: صراتلي في المحكمة وحاب نفهم
 

لازم يتحلبو شوية