منتديات الشروق أونلاين - وين راه لي يخاف مولاه...؟؟؟؟

منتديات الشروق أونلاين (http://montada.echoroukonline.com/index.php)

- منتدى الشعر الملحون (http://montada.echoroukonline.com/forumdisplay.php?f=65)

- - وين راه لي يخاف مولاه...؟؟؟؟ (http://montada.echoroukonline.com/showthread.php?t=209623)

وين راه لي يخاف مولاه...؟؟؟؟

وين راه
راني نكتب واش كاين
فهاد الدّنيا من محاين
كلام الحق ما عليه حجاب
و لّي تشوفو العين هو الصواب
حنا كامل فينا لعيوب
غير هو سبحانو علّام لغيوب
كول حاجة قدّامنا باينا
لي خاين خاين و لي خاينة خاينة
علاش يغيضنا الحال
كي كلام الحق يتقال
واحد فينا ما راهو معصوم
كامل نغلطو و حالنا ما يدوم
كامل نخّدعو و ننخدعو
و نصلّو لربي و نرّكعو
بصح وين راه
لي يخاف مولاه
وين راه لّي دمعو يقطر
كي آسم ربي ينذكر
أنا نقول الحق
دينّا ليوم غرق
رانا نكّذبو على رواحنا
حفرنا حفرة طحنا فيها حنا
نتخباو مور الدّين
و نديرو واش رانا حابين
و لّي يسمع على لجزائر
بلاد الدّين يبقى فيها حاير
بناتها و رجالها ضاعو
نيفهم و شرفهم باعو
قعدو ناس بزاف قلال
لي رانا معلقين عليهم الآمال
يا لي راك تقرا في هاد لكلام
من حرف الألف حتى الّلام
جاوبني بكاش حروف
إدا صاح واش راني نشوف...

سعاد... رويبة:14::14::14::14::14::14::14: