|
القلوب قساحوا...
واش جاك على البال ؟ باللهجة العامية الجزائرية و الحديث قياس القلوب قساحوا.. عمي محمد إنسان إذا مريت قدامه تقطف من الحكمة اللي تطولك في العمر و اذا جالسته, يفرغ لك راسك من التوسويس اللي دوخ راس كثير من الخلق. كاين ديمن يقول: دمعة العين للقلب راحة.. و اللي يفمها البعض بأن الدمعة في عين الراجل و حتى المرأة..تنقص من قيمته في عينين الناس.. · أعوذ بالله من عين لا تدمع * و من بعد كي يوصلك هم الزمان و يكتف لك يديك و ركايب.. تتيقن و تعرف بأن القلب اذا تعمر .... يقدر يقتل صاحبه بالوجاع اللي ما عنده حتى دواء.. غير اللي نصح بيه سيد الخلق محمد صلى الله عليه وسلم, العبد اللي جاه يشتكي و قال له: قلبي راه يوجع فيا. نبهو سيد الخلق صلى الله و سلم, و بالمفهوم البسيط أديالنا : أن القلوب اذا جمدت .. وجعت. و على هذيك نصحه صلى الله عليه و سلم و قال له: روح , أمسح بيدك على رأس يتيم.. سبحان الله العلي العظيم شوف كيفاش يداويك سيد الخلق الرحمة المهداة بالرحمة الموجودة على راس اليتيم كي تحن و تعطف عليه.. وتكتشف الحكمة بأن القلوب عندما تفرغ و تخلا من الرحمة ..توجع. على ذيك ننصح روحي و ننصحكم, ما تخلوش قلوبكم يقساحوا حتى تخلاص منهم الرحمة. لأن , اللي خلاصت منه الرحمة لا يرحم و يعيش باقي حياته, تعيس, و تالف.. حتى و لوكان كسب مال قارون. و الحديث قياس |
رد: القلوب قساحوا...
كلامك صواب يا خويا الله يبارك عليك
|
رد: القلوب قساحوا...
صدقت فعلا بارك الله فيك وسدد خطاك موضوع مفيد ومهم وفي راي انه موضوع مناسب للاوضاع الحالية ( قساحت القلوب وراحت منها الرحمة) شكرا لك
|
رد: القلوب قساحوا...
اقتباس:
و الصواب من الله و الاستغفار من الانسان شكرا تقبلوا احترامي |
رد: القلوب قساحوا...
اقتباس:
الله يحنن القلوب على كل حال هذا الأسلوب طريقة جديدة في كتابة الخاطرة باللغة العربية المبسطة.. ان شاء الله تعجبكم تقبلوا احترامي |
رد: القلوب قساحوا...
وقساحت القلوب لكن رحمة ربك واسعة والعبد دوما يرفع رأسهه للخالق للدلالة على طلب العون والرحمة
بوركت أخي مدائن ود |
| الساعة الآن 02:53 AM. |
Powered by vBulletin
قوانين المنتدى