|
نصحوني مرة صحابي بالزواج
نصحوني مرة صحابي بالزواج *********و قالولي بركاك من التعواج :8:
راهي رايحة تديك المواج************إذا بقيت في العزوبية :5: بقيت نطلع في الحساب ***********و لقيت كلامهم صواب :16: و في الغد بعثتهم نواب*********** يطرحوا لأهلي القضية بابا وافق في الحال*********** و قال نجيبوا بنت الخال و يما جاها في البال********** يخطبولي وحدة بدوية :3: :3: :3: :3: :3: تفاهمنا على بنت المدينة******* قالو فاهمة و رزينة :1::1::1: راهي تمخمخ في الكوزينة******* و تطبخ طبخات زينة عولنا و قصدنا الدار***********حاملين في يدينا النوار :13::13::13::13::13: و درنا و حنا زوار************** قاصدين بنت معينة الراجل في بنتو شكر و يزيد******* قارية و ما تركتش المسيد و صحيحة كي الحديد ************بنت العلم و التربية قلت واش هي الشروط ********راني صرت ليكم مربوط و مالي عندكم محطوط*********** و نزيدلكم الشهرية قالي يا وليدي سجل ***********20 صباط باش تبدل و 50 سروال مفصل ************ و يكونو ضيقين شوية و زيد كيلو ذهب صافي ***********تجيبو و انت زاهي و الشنتوف ما هو كافي ********** راني درت فيكم مزية بنتي راهي غاية و شريفة ********* ما تتركش يدها خفيفة 20 خاتم في القفيفة ************* تحطهم في يدها هي كرافاش بولحية ما تنساش *********و المليون لازم يكون معاك و الحايك مرمة لازم تلقاه*************و تقدمو لبنتي هدية قالي يا السي موووح************** بلاك تنسى خيط الروح باش يزيد لبنتي الروح ************** تبقالك ديما حية تشريلها عشر كباش************** و الجاج مشوي ما تنساش و زيدلها منرا قماش******************** هادي حاجة رمزية بنتي ما تضربش النشاف************* و من الحمام تخرج بالتلحاف و ها جيبلو حفاف ***************و تزور sa mère كل عشية الطفلة نطقت ملهيك *********************يا بابا لازم تنهيه يتركني نحكم فيه **********************و يمشي معايا بالنية قالي الشرط ما خلاص************** نقراو الفاتحة قدام الناس قلتلو راني لباس *********************ومنين نهرب يا خويا درنا العرس نهار الخميس ************و كثر فيه الهراج و التهراس المطرب يخلط على الناس ************و الدرباكي يعفس تعفاس و الجمهور راهو نعاس *******************و البراح يبرح شوية جابو العروسة للبيت ************كي شفتها من الخوف بكيت :14::14::14: ها على الطابلة محطوط************* و راسها من ال مزبوط رافدة معاها عشر قطوط******************** تلعب لعبة هزلية :19: لقيتها مركبة قطع غيار*************** ها و حواجبها و لشفار و كي ضحكت كلشي طار***************** هادي ماركة عصرية قالت لازم نبقى حرة****************** و يماك لازم ترميها برة :2::2::2: و ما تكثرش الهدرة ********************انا طفلة متحضر قلت يا امرة لازم تفهمي****************** ترفدي حوايجك و ترنكي:18::18::18::18::18::18:: |
رد: نصحوني مرة صحابي بالزواج
مشكور اخي الكريم على الحكاية المستنبطة من واقعنا فعلا صارت شروط الزواج شبه مستحيلة شكرا لك |
رد: نصحوني مرة صحابي بالزواج
من صاحب هذا الإبداع ؟؟؟؟؟؟
|
رد: نصحوني مرة صحابي بالزواج
|
رد: نصحوني مرة صحابي بالزواج
والله عندكم حق كل شيئ ماخود من الوااقع ماغيرت شيئ وقليل وين تلقا بنت ولا ولد حلااااااااااال
|
رد: نصحوني مرة صحابي بالزواج
هذه القصيدة
سبق وأن وضعها صاحبها شخصيا في المنتدى وقد اشتهرت بالآداء وسمعتها أنا أكثر من مرة |
رد: نصحوني مرة صحابي بالزواج
هههههههههههههههه
ساحاول ارد بهذا الكلمات هذي قصيدة متينة مجهدة ورزينة شحال لكلام فيها موزون شحال شباب زينا واجميلا شحال من كلام متين رزين ماينشرى ماينباع ماعندوا سوم كما هذا لقصيدة اللي قلتها ياخويا نشكرك على هذا البيان والهضرة اللي جبتها بالتفنان شحال من ناس دارو لنفسهم سوما ينباعوا وينشراو فالحومة ما تعرف تخير بين السروال والا هما فالسوق كي المزاد تهبط وتطلع السوما باعوا الستراء وشراو الكشفا زمان كانت الناس مستورا والعيشا بنينا مزيونة واليوم صارت الناس مغبونة حاير الشاب فالدار و التجهيز الشرط الاول فيلا وجنينة هاتف نقال آخر موديل او لاقونا الصالة مفروشة بالسجاد واريكات مخصصة للقعاد مانحكو على الشانبرة والكوزينة ولا بيسين معمرة ماء فالجنينة التسريحة لازم عند لكوافيرا زيدها خدامة تشد لوليدات تغسل لماعين وتطبخ فالكوزينة هي ما تعرف تخدم خدمة زينة الاطيبت لك ماقرونا تعجنها اما الطعام تطلعه ليك رفيس هي تعرف تقلي لفريت او بيضات هذا واش تعلمت ياخويا ما تغضبوا يالبنيات لو نحكوا على لوليدات تشدوا راسكم وتقطعوا الشعيرات الولد انتاع اليوم مشنتف كي الديك في داك الرأس لابس سباط أكثر منوا ثقيل يوزن طن والا قنطار و السروال طايح منوا تقلوا ياولدي واش هاد الحال يقول هدا حال الزمان لا مود ياخويا واش بيك انت دي موديل قاعد روطار ديما قديم رد عليه اوقول واش حالك هدا حال لا خدمة لا ردمة لادار لدوار كيف حاب توصل لخيار الناس وتدير ما داروا ناس زمان كيف تبني لحياتك مستقبل وانت ما عندك غير الفم فالح غير فالهدرة سمحوا لينا ياولاد الناس ياللي عندهم الهمة والساس وسمحوا لينا يابنات لبلاد ياللي عندهم همة واخلاص راهي الناس تتفاوت وتقاس بالعقل وما يوجد في الراس |
رد: نصحوني مرة صحابي بالزواج
هذي قصيدة متينة مجهدة ورزينة
شحال لكلام فيها موزون شحال شباب زينا واجميلا شحال من كلام متين رزين ماينشرى ماينباع ماعندوا سوم كما هذا لقصيدة اللي قلتها ياخويا نشكرك على هذا البيان والهضرة اللي جبتها بالتفنان شحال من ناس دارو لنفسهم سوما ينباعوا وينشراو فالحومة ما تعرف تخير بين السروال والا هما فالسوق كي المزاد تهبط وتطلع السوما باعوا الستراء وشراو الكشفا زمان كانت الناس مستورا والعيشا بنينا مزيونة واليوم صارت الناس مغبونة حاير الشاب فالدار و التجهيز الشرط الاول فيلا وجنينة هاتف نقال آخر موديل او لاقونا الصالة مفروشة بالسجاد واريكات مخصصة للقعاد مانحكو على الشانبرة والكوزينة ولا بيسين معمرة ماء فالجنينة التسريحة لازم عند لكوافيرا زيدها خدامة تشد لوليدات تغسل لماعين وتطبخ فالكوزينة هي ما تعرف تخدم خدمة زينة الاطيبت لك ماقرونا تعجنها اما الطعام تطلعه ليك رفيس هي تعرف تقلي لفريت او بيضات هذا واش تعلمت ياخويا ما تغضبوا يالبنيات لو نحكوا على لوليدات تشدوا راسكم وتقطعوا الشعيرات الولد انتاع اليوم مشنتف كي الديك في داك الرأس لابس سباط أكثر منوا ثقيل يوزن طن والا قنطار و السروال طايح منوا تقلوا ياولدي واش هاد الحال يقول هدا حال الزمان لا مود ياخويا واش بيك انت دي موديل قاعد روطار ديما قديم رد عليه اوقول واش حالك هدا حال لا خدمة لا ردمة لادار لدوار كيف حاب توصل لخيار الناس وتدير ما داروا ناس زمان كيف تبني لحياتك مستقبل وانت ما عندك غير الفم فالح غير فالهدرة سمحوا لينا ياولاد الناس ياللي عندهم الهمة والساس وسمحوا لينا يابنات لبلاد ياللي عندهم همة واخلاص راهي الناس تتفاوت وتقاس بالعقل وما يوجد في الراس منقول [/color][/size][/font][/QUOTE] |
رد: نصحوني مرة صحابي بالزواج
سقراط قال عن الزواج : تزوج يا بني ، فإن وفقت في زواجك
عشت سعيدا ، وإن لم توفق أصبحت فيلسوفا . |
رد: نصحوني مرة صحابي بالزواج
اقتباس:
اذا كنت تقصد منقول أعد حساباتك وإذا كنت تقصد مانقول قول وإلا أقعد وإذا كنت تقصد لا تقول ليس عندك ماتقول اليس كان من الواجب أولا ان ترد التحية لمن هو اكبر منك سنا هههههههههههههههههه |
| الساعة الآن 07:49 AM. |
Powered by vBulletin
قوانين المنتدى