ما يحس بلجمرة غير لي كواتو...
 

هادي الدنيا مرة و كل واحد كيفاش الضربة جاتو
كاين لي وكلاتو و لبساتو .و في قصور كبيرة سكناتو
و كاين لي مشتاق لقمة .و زادت للمزيرية رماتو
و كاين لي عاش وحيد و حزين .من شوفت والديه حرماتو
و كاين لي عايش يتيم و يتفكر كل يوم والديه لي ماتو
و كاين حاب يقطع لبحور و مخلي يماه لي رباتو و كبراتو
و كاين لي رفد والديه على جالهم سمح في كامل حياتو
و كاين لي قرى كامل حياتو و الله غاب بلادو حقراتو
و كاين لي يسرق الغاشي و الناس على جال الزطلة لي هبلاتو
و كاين و كاين و كاين و ما يحس بلجمرة غير لي كواتو...

رد: ما يحس بلجمرة غير لي كواتو...
 

انا عجبني الكلام موزون وعندو معنى كلشي قلتو صح وهو ينفع خاطرة يا ريت لو كان حطيتو في منتدى الخاطرة