منتديات الشروق أونلاين

ياقاتل الرّوح وين تروح
ليّام جرّايا وجرمك مفضوح
اذاقدرت تتعالى مع لجبال الطّوالى
واذا رقدت بين السّفوح
اذا ضحكت بلهبالة
وجبت الصحارى
وظنّيت انّوذنبك مسموح
عايش بجهالة
عايش بلا ندامة
عايش ...ودمّك مسفوح

ياقاتل الرّوح

شيما تنطرك في العلالي
وريحة المسك منها تفوح
تنادي بصوت مبحوح
يارب:سله فيما قتلني
وخذا منّي ذا الرّوح
سله وعلاش فضحني
وبقر منّي الجوف
لوكان استرني بتراب
ولاّ غطّاني بلحوف
لوكان ارحم صغري
واشفق عليّ من الخوف
لوكان شاف لحال لمّيمة
وللوالد المكشوف
لوكان خلاّني نفرح
بين خلّاني ونعانق
كتوبي فوق الرّفوف
يارب القصاص معروف
مانسمح في دمّي
واليوم عيني تقرّ وتشوف

ياقاتل الرّوح
حالك يوم ذاك حالة
ومن رحمة ربّي أنت ممسوح
وجهك قطع ليل ..سوادفحامة
وريحتك جيفة تفوح

شيما طير يرفرف
وبدعّا يرفع لكفوف

يارب:سلّم والديّا وصبّرهم
واجعلهم بيت الحمد مرصوف
واجعلني شفيعتهم
يوم العرض والوقوف

ياقاتل الرّوح
جزاك جهنّم مع لحجارة مصفوف
وغضب الله عليك
ملعون ومن رحمتّه محذوف
وعذابك عظيم غير معروف

ياقاتل الرّوح وين تروح