منتديات الشروق أونلاين - حسراه عليك يا الدنيا......

حسراه عليك يا الدنيا......

يا حسراه عليك يا الدنيا ***فيك حكاية وحكايات
ساميني وقعدي حدايا*** واحكيهم لي بثبات
علاش هكذا حاقدة وسميا ***ظلي تبدلي في الصفات
تعذبي فيا غير بشويا***عييت من عذابك براكات
تلعبي بيا والا معايا ***جاوبيني علاش هاذ السكات
قالوا لي عليك مسرحية*** وانا المسرح سكن لي في الذات
التذكيرة خلصتها غالية ***ديت معايا شي وردات
دخلت للقاعة صفقوا علي*** طلع ستار والضو طفات
لقيت روحي في تمثيلية*** والديكور خوف ودعات
طمعتيني ودرتي علي ***عندي جدي بالصحبات
........

http://illiweb.com/fa/i/smiles/icon_flower.png http://illiweb.com/fa/i/smiles/icon_flower.png http://illiweb.com/fa/i/smiles/icon_flower.png
شحال من سلطان كان في دنيا ***جيوش الامر وطيعات
مال وعز قصور وسرايا ***العسة عليه بالالوفات
غفل غفلة تقلبت الحية ***فليلتو مالقى وين يبات
وكلتي فلان عسل وفاكية ***وفلان شمختي لو الفتات
فلا قلعتي لو الذرية ***وحياتو من الفرحة خوات
فلان طلق مرتو المسكية ***زعف كي جابت لو البنات
. http://illiweb.com/fa/i/smiles/icon_flower.png http://illiweb.com/fa/i/smiles/icon_flower.png http://illiweb.com/fa/i/smiles/icon_flower.png
المسجون يرجى الحرية ***بالدقيقة يحسب لوقات
الشهار يحلم بالشهرية ***يا حليلو مولا وليدات
كبدة لميمة مشوية على ***واش سهرت واش ربات
على وليدها بدل الجنسية ***عجبو زين الروميات
خلى يماه وحدانية ***من الحرقة والبكا تعمات
باش يبين الرجولية ***بعث لها زوج محرمات
. http://illiweb.com/fa/i/smiles/icon_flower.png http://illiweb.com/fa/i/smiles/icon_flower.png http://illiweb.com/fa/i/smiles/icon_flower.png
نها كانت الدنيا دنيا ***الوالدين علقوا لهم شيعات
اليوم الوالدين راهي مرمية ***في مراكز الشيخوخات
انتي دنيا يدك زهرية ***انا يدي فيه الكيات
مع الواقف درتي جمعية ***سماها دخلات وخرجات
القليل بعثتي لو خطية ***جا يصلي تلفت لو الصلاة
كي سلم انسى التحية ***وكي تحى نسا زوج ركعات

. http://illiweb.com/fa/i/smiles/icon_flower.png http://illiweb.com/fa/i/smiles/icon_flower.png http://illiweb.com/fa/i/smiles/icon_flower.png

المال فاني والعظام راشية ***فاتت جناس وتمحات
اللي كان تاقي ودار النية ***طاع ربي وشد في الصلاة
درجته في الجنة عالية ***صفة الجنة درجات
والشاقي يمضي النهاية ***ذاتو بالنار تكسات
جلدة رايحة وجلدة جاية ***يظل يبدل في الجلدات
نصيحتي نتركها التالية*** باش نختم بيها لبيات
. http://illiweb.com/fa/i/smiles/icon_flower.png http://illiweb.com/fa/i/smiles/icon_flower.png http://illiweb.com/fa/i/smiles/icon_flower.png

دعوة الوالدين رسمية ***منهم الشر والخيرات
الهنا كنز والصحة غالية ***والباقي كله كذوبات
ياسين ارسلها تحية ***وامنضى فيها بشي دمعات
بعثها كما مسعودي برية*** قراها قيتار وألات
والصلاة على نور عينيا ***سيد الخلق يا سدات
شكون اللي نجا منك يا دينا ***غير اللي طلقك بالثلاث

لصاحبها