|
عمو القبي اليك صور الخرشف الحقيقي و ليس مثل الذي عندكم
السلام عليكم
منذ ايام وضعت طاطا ليلى طبق الخرشف و لكن عمو القبي و عمو ياسين الجزائري ما عجبهمش الحال و قالوا ان الخرشف ايجي يابس و ما يطيبش و انا نقولكم هذاك اللي يتباع عندكم ماهوش خرشف اليكم صور الخرشف الحقيقي http://www4.0zz0.com/2013/01/17/22/659474401.jpg لكن الشاطرة فقط اللي تقدر تنقيه لانه مملوء بالاشواك http://www4.0zz0.com/2013/01/17/22/118824169.jpg و هذا هو بعد ان اكملت تنقيته و لن احكي لكم معاناتي http://www4.0zz0.com/2013/01/17/22/361690767.jpg اعتذر منكم نسيت تصوير الطبق و هو جاهز:10: المرة الجاية و الله جا يهبببببببببببببل و حلو و يذوب كيما الزبدة و بنييييييييييييين درتوا مع اللحم البقري |
رد: عمو القبي اليك صور الخرشف الحقيقي و ليس مثل الذي عندكم
اقتباس:
. . . . . . الخرشف نوعان خرشف عرب (اللي في الصورة) يشبه للقرنينة خرشف فرانسيس (خرشف طويل)اللي ذكروه هوما العرب يطيب بالخف الفرنسيس طيبيه 2 مرات مرة لولا اطبخيه (يمكن الاحتفاظ بالماء لكن ذوقيه اولا مرات يكون مر ) يمكنك اضافة خمارة القاطو لتسريع الطبخ و اضافة ملعقة فرينة او قطعة ليمون باش ما يكحالش والمرة الثانية دوزنيه مع لحم الخروف وشوية حمص يجي فن |
رد: عمو القبي اليك صور الخرشف الحقيقي و ليس مثل الذي عندكم
خرشف يبقى خرشف بركاونا من الدعاية هذي شوف حتى اسمو ماشي شباب "خرشف"
|
رد: عمو القبي اليك صور الخرشف الحقيقي و ليس مثل الذي عندكم
يتسمى القرنون تاعكم هو القرناع (نقطة فوق القاف) تاعنا والخرشف هو تاع الجميع |
رد: عمو القبي اليك صور الخرشف الحقيقي و ليس مثل الذي عندكم
هذا الخرشف نسميه خرشف الجبل .... اكلته منذ 3 ايام ..
******* |
رد: عمو القبي اليك صور الخرشف الحقيقي و ليس مثل الذي عندكم
واو والله لم اكن اعرف ان له هذا الشكل ايضا :7::7::7::7::7:
|
رد: عمو القبي اليك صور الخرشف الحقيقي و ليس مثل الذي عندكم
هههههههههههههههههه هذا الخرشف ههههه أكرهه كان غير ينفيوه من الجزاير ههههههه
لكن على فكرة طاطا راه مليح ياكلوه لي مراض بليسطومة ولكن ماش طايب هكذاك حي ههههههههه أنا يقتلوني وماناكلووش انفيييوه منا ههههههه **آستغفر الله وأتوب اليه ** |
رد: عمو القبي اليك صور الخرشف الحقيقي و ليس مثل الذي عندكم
السلام عليكم انا ماشي رائحة الطبق لي جذبتني بصح عجبتني الجملة تاع الشاطرة لي تنقيه:20:...اتوقع ان طعمه لذيذ خاصة مع لحم البقري و من يديك ام هديل:16: ....اضافة الى ان كل حاجة تاع لبلاد بنينة ...بصح قوليلي ام هديل منين جاااك هذ الخرشف :5: شوفي سيدتي نهار تنوي تديري لمة شروقية في دارك ديري جواز خرشف و طعام بالخرشف و سلاطة بالخرشف و ما شكيتش الضياف حينها يقولو ما نحبوهش رايحين ياكلوه و عينيهم مغمضين و الشكير زيادة :7: |
رد: عمو القبي اليك صور الخرشف الحقيقي و ليس مثل الذي عندكم
هذا النواع عندنا ويكثر في هذا الوقت خاصة مع الامطار والشمس
ويحضرون من البوداي بكميات كبيرة |
رد: عمو القبي اليك صور الخرشف الحقيقي و ليس مثل الذي عندكم
امممم طاطا أم هديل هذي راهي تبانلي قرنينة " قمارة" ( نقطة فوق القاف )
و الخرشف كما قالت ام سارة يكون طويل شوي عندنا احنا نستعملوه اكثر شيء في مرقة الطعام ولا مرقة الخضر بصحتكم و يعطيك الصَّحة طاطا |
| الساعة الآن 02:59 PM. |
Powered by vBulletin
قوانين المنتدى