منتديات الشروق أونلاين - قصيدة يـَامْنــَا

قصيدة يـَامْنــَا

نظم محمدالمصمودي مبيت ثنائي

القسم الأول

مِيرْ لغْرَامْ خَرْقْ احْشـْــايَا وَدْهـَانِي شَرَّبْني كيسَانْ مَنْ هْمُومْ بْلاَهْ
حَتـَّى احْرَارْ قَـَوْتي وَالنـُّومْ جْفـَانِي اَنـَــاسِ لآ مَنّْ يـْفـِيدْنِي بـَـدْواهْ
واللـِّي اهْوِيتْ يَا وَلـْفِي مَـا يَهْوَانِي بدَّلــْنِي بَالـْغِيرلاحــْنِي مــُراهْ
قـُولـُو لـْيَامْنـَا تـَهْلِيــلْ الـْعُثـْمـَــانِي مِينـَا يَـامينـَا مْعـَـاكْ شـَرعْ اللهْ

القسم الثاني

قـُولو لـْهَا لـْضـَيْ لـْمَـــاحِي مـَنْ حُبْهَا خـْلاكـًِي جَاحـُو
نوَّحْتْ مـَانـْفـَعْ تـَنـْــــواحِي حَتـَّى ادْمـُوعْ عِينِي سَاحُو
تـَارَا تـْصِيبْ عَقـْلِي سَاحِي تـَارَا يْهـِيجْ سَمّْ جـْراحـُـــو

بَحرْ لـَغـْرامْ غرَّقْ مُوجُو قـُرْصانِي قـَلـْبْ سْفـُوني يَـا فـْهيمْ فـُوقْ مْلاهْ
وُبْقِيتْ فـُوقْ لـُوحَا مَا لِهَا ثـَــانـِـــي بَحرْ الحُبّْ صْعِيبْ وَالصّْبَرْ يَلـْقاهْ
اَمـَا بْكِيتْ مَنـُّو وَمَا بَكـَّانِــــــــــــي وَرَّى لِــي شلاّ نـْطِيقْ لـُو وَنـْـراهْ
قـُولـُو لـْيَامْنـَا تـَهْلِيــلْ الـْعُثـْمـَــانِي مِينـَا يَـامينـَـــا مْعـَــــاكْ شـَرعْ اللهْ

القسم الثالث

هـَلْ يَا تـْرَى تـْجِي لـَرْسَامِي يَهـْنـَا القـَلـْبْ مَنْ تـَخـْمَامُو
هـَذا شـْحَالْ طـَالْ غـْــرَامِي وَ نـَا فـْحُبْهـَــــا وَحـْكـَـامـُو
نـْراهْ فـْيَقـْظـَا وُمْنـَامِـــــــي مَمْلـُوكْ لِهْ صَرْتْ غـْلامـُو

مَمْلـُوكْ لِهْ مَنْ قـَبلْ اليُومْ شـْرانِـــي وَقـْبَلْ عَنْ عِيبي مْحَمّْلو وَرْضَاهْ
وَسْكـَنْ دْواخـْلِي وَقـْهَرْنِي وَجْـلانِي مَا نـَقـْدَرْ نـَكـْمِيهْ وُلـَــهْوى شـَوَّاهْ
مُولاهْ طـُولْ عَمْرُو مَتـْعُوبْ وُفـَانِي وَقـْتْ ِيشـُوفْ الزِّينْ كـَيْهِيجْ هْواهْ
قـُولـُو لـْيَامْنـَا تـَهْلِيــلْ الـْعُثـْمـَــــانِي مِينـَا يَـامينـَـــا مْعـَــــاكْ شـَرعْ اللهْ

القسم الر ابع

صِيفتْ لـَلـْغـَزالْ بْرَاتِي مَرْسُولِي مْشـَى وسْبَاتـُو
اقـْرَا لـْهَا حْرُوفْ بْياتِي وُطـْواتْ الكـْتـَابْ رْمَاتو
قـَالتْ لـُو بْصُومْ سْنـَتِي بِيَّ لا ظـْـفـَـرْ فـَحْيَـاتـُــو

مَنْ ذا النـّْهارْ مَا يَتـْصَوَّرفـَــمْكـَانِي وَلـِّي لعـَنـْدُو وَبْكِي انـْتَ ويَّــاهْ
بَعـْدْ الوُصُولْ غِيرْ هْجَرتـُو بَلـْعَانِي هَذا حَالْ الزِّينْ عَاشـْقو يَرْضـاهْ
وَرَجعْتْ للـْبْكـَا نـَهْطـَلْ دَمعْ عْيانِـي وَكـْتابٍي رَتـْمى وُدَرْتْ لِهْ عْزاهْ
قـُولـُو لـْيَامْنـَا تـَهْلِيــلْ الـْعُثـْمـَــــانِي مِينـَا يَـامينـَــا مْعـَـاكْ شـَرعْ اللهْ

القسم الخامس

فـَالحِينْ قـُلـْتْ يَــا مَرْسُولِي تـَركْ النـّْواحْ وَرْجَعْ لِهـَا
عَنـْداكْ لا تـْكـُونْ مْلـُولِـــي لازَمْ حَاجـْتِـي تـَقـْضِيهـَا
اشـْكِي لـْهَا وُكونْ فـْضُولي وَنـَا بْشـَارْتـَكْ نـَعْطـِيهـَـا

ولـََّى لـْعَندْ وَلـْفِي مَرْسُولِي ثـَـانِي انـْقـََرْ بَابْ الدَّارْ صَابْهَا تـَرْجَاهْ
بَعْيُونْ بَاكـْيَا وَالدَّمْعْ الطـُّوفـَــانِي وَكـْتـَابِي مَحْلـُولْ فِيدْهـَا تـَقـْرَاهْ
مَرْسُولْ عَاشـْقِي قالتْ هذا جَانِي اهْلا بَسْلامـُو وُتــــــَايـْبَــــــا للهْ
قـُولـُو لـْيَامْنـَا تـَهْلِيــلْ الـْعُثـْمـَـانِي مِينـَا يَـامينـَــا مْعـَـاكْ شـَرعْ اللهْ

القسم السادس

قالتْ يَا رْسولْ حْبِيبِـــي وَلـِّي لـُو وُفـَاجِي نـَكـْدُو
شْكي وُكـًرّْ لـُو بَذْنــُوبِـي وَعْطِيهْ دَالدّْلالْ يِشـَـــدُو
وِلـَى وْتِيتْ يَسْتـَرْ عِيبِي حَاشـَا مَا نْخـَالـَفْ عَهْدُو

يُومْ الإثنينْ هوَ العَاهَدْ يَرْجَانِي وَنـْقِيمُو لِيلا عْلى كـْــــمالْ رْضاهْ
وَفاتْ يَامنَا فِي عَاهَدْهَا ثـَـانِـي قـَلبي مَنْ بَعْدْ الصّْدُودْ صَابْ مْناهْ
احَافْظْ لقـْصِيدَا رَصَّعْ لـَمْعانِي المَصْمُوِدي فـَالكـْرِيمْ دَارْ رْجـَــاهْ
قـُولـُو لـْيَامْنـَا تـَهْلِيـلْ الـْعُثـْمانِي مِينـَا يَـامينـَــا مْعـَـــــاكْ شـَرعْ اللهْ