منتديات الشروق أونلاين - لي يقول الحق راسو ينشق !!! ؟

منتديات الشروق أونلاين (http://montada.echoroukonline.com/index.php)

- نقاش حر (http://montada.echoroukonline.com/forumdisplay.php?f=20)

- - لي يقول الحق راسو ينشق !!! ؟ (http://montada.echoroukonline.com/showthread.php?t=230255)

لي يقول الحق راسو ينشق !!! ؟

بسم الله وكفى والصلاة والسلام على المصطفى وآله وصحبه ومن وفى ومن سار على النهج واقتفى

وبعد :

حبيت نوجه كلام للمعنيين به وكل انسان خبير ذاتو الي فيه واش راني نقول تغيضو هدرتي ولي ما فيهش اكيد يحالفني في الراي وكيما قالها اخي مهندس نهبط " النيفو " ونهدر بالعامية

يا جماعة عندي على صفحات التواصل الاجتماعي اكثر من 600 صديق من مختلف الدول العربية والاسلامية بما فيهم هنود وفرس والحمد لله ما لقيت منهم غير كل الخير خاصة ان معظمهم طلبة جامعات وشعراء من اليمن والسعودية واساتذة ومرشدين دينيين من المغرب والبعض منهم مستواهم متواضع يعني بصح والله ما شفت منهم غير كل الخير – على الاقل قدام المحترمين يكونو محترمين – معاناتي كامل لقيتها مع الجزائريين ( الشباب منهم البنات دوم دوم تلقى فيهم كعبات يصلحو وتاع الصحرا ثاني متربيين الحق يقال ) يا عجب العجاب منين تقول خلي نضيف ولد البلاد نشوف بالاك نلقى حبة تصلح تلقاه يبدا مباشرة قداه في عمرك النيميرو تاع تيليفون سبحان الله او حتى فيهم لي خرجي جامعة ونفس العقلية وكيما تمشيلهمش في الخط يبداو طـــــــــــــــــــــول يرددو في الكلمات تاعهم المشهورة من قبيل " واش حاسبة روحك وباين عليك معقدة وما تديهاش بزاف في روحك.... يعني العقلية معروفة والله العظيم بهدلو بيا وانا نظل نلمع في صورة الجزائر وشعب الجزائر يجيو هوما يبهدلو بيا يبداو ينشرو في الصور التافهة والكلام التافه خليها لربي برك ويزيدو كي يطيحو في لي ينهيهم ويبينلهم عيوبهم ويشحطهم يبداو طول يقلولو واش حاسب روحك و انت معقد يا سلام " لي فيك يا هنية رديه فيا "

على العموم انا راني هدرت ومازلت نزيد نهدر وبكل الاساليب سواء بالليونة مع ناس يستاهلو الليونة سواء بالفظاظة مع ناس ما يستاهلو الفظاظة لانو كاين ناس حتى كي تهدر معاهم بالليونة هذاك وين يزيدو يتماداو ما يقولولكش استنى نحشمو على رواحنا الشعوب العربية تتفرج علينا وتهز عارنا رغم اني نعشق صفة العفوية بصح العفوية تاع بعض الجزائريين ما تعجبنيش لانها عفوية سلبية جدا تشبه لحد بعيد " عفوية السائمة " خلاصة القول " يا جبل ما يهزك ريح " انا راني نهدر وننتقد ونقول رايي ولي ما عجبوش الحال يدخل يقول واش حب " معقدة – متكبرة- حاسبة روحك مديتها في روحك- روحي شوفي طبيب يعالجك " ربحت وقدت لاكان عدت نستنى في هؤلاء يقيموني ويحكمو عليا متواضعة ولا متكبرة والله متعودة على عقلية الجزائريين .

في النهاية الحمد لله لست من الذين يامرون الناس بالبر وينسون انفسهم ولا من الذين يقولون ما لا يفعلون .

حـــــــــــــــــــــــــــــــــــــاشا الاقلية القليلة لي ما يستاهلوش في الشمال وتحية اجلال لشباب الصحرا الرجال

شكــــــــــــــــــــــــــــــــــــــــــــــرا-:11:

رد: لي يقول الحق راسو ينشق !!! ؟

assalamou alaikom une petite question ma soeur hal youdjad fi el islam alakat sadaka bayne el radjoul el adjnabi wa el maraa hata ine kanate an tarik el internet awe chabakate tawasoul ??

رد: لي يقول الحق راسو ينشق !!! ؟

باركـ الله فيك اولا

ما عساي أقول

آأضحك أم ابك هذا الواقع المضن

انحدار بكل ما تعنيه الكلمة

همسة بالعامية : ما تنخلعيش فالعرب ، تتعدد الطرق والسبل والنتيجة واحدة ، الشباب العربي كلو ضايع ولا فرق الا في طبيعة كل شخصية

يعني الجزايري خشن في تعاملاتو كلها ، وبطبيعة الحال يخرجها فالوجه

لا ادافع عن الجزائري لكن الكل في داهية للأسف

متواصلين ومتواصلات .

رد: لي يقول الحق راسو ينشق !!! ؟

اقتباس:

المشاركة الأصلية كتبت بواسطة اماني أريس (المشاركة 1562111)

بسم الله وكفى والصلاة والسلام على المصطفى وآله وصحبه ومن وفى ومن سار على النهج واقتفى

وبعد :

في النهاية الحمد لله لست من الذين يامرون الناس بالبر وينسون انفسهم ولا من الذين يقولون ما لا يفعلون .

شكــــــــــــــــــــــــــــــــــــــــــــــرا-:11:

هنا راكي ما هبطتيش نيفو بالعكس الهدرة بالعامية و المعانى سامية .......... مي أنا اسمحيلي ما نوافقش كلامك 100/100 كاين الزين وكاين الشين في كل بلاص سواء في الجزائر أو في دول أخرى سواء في الجنوب أو الشمال.... والمتْربّي من ربّي ........... صحيح لسوء الحظ أنه متعارف هنا بأن هذه المواقع أصبحت لمثل هذه التصرفات المشينة وماشي غير تعارف للجنسين من زاويته الضيقة بل تعداه إلى أبعد من ذلك والفاهم يفهم .... وأنا لا أنصح الأسر حتى باستعمال هذه المواقع خاصة من الأولاد لما تجلب من مفاسد تفوق المصالح ........
صحيح أن الجزائري إذا عطستي وقلتيلوا يهديك الله ويصلح بالك بعد ما يقلك رحمك الله .... راح يقلك أعطيلي نومرو تاعك ........... الله غالب هذي العقلية مي إذا كان الكثير كيما هاك فأنا على يقين بأن الأكثر أحسن من هاك..................... الله يهدينا ويوريلنا عيوبنا
وبارك الله فيك على إثارة هكذا موضوع .....نتطلع لمزيد عطائك

رد: لي يقول الحق راسو ينشق !!! ؟

اقتباس:

المشاركة الأصلية كتبت بواسطة algerien28 (المشاركة 1562115)

assalamou alaikom une petite question ma soeur hal youdjad fi el islam alakat sadaka bayne el radjoul el adjnabi wa el maraa hata ine kanate an tarik el internet awe chabakate tawasoul ??

نعم ولماذا لا توجد وهل كل هؤلاء النساء الاخوات اللاوتي يتبادلن معك النقاش على المنتدى ضروري هن صديقاتك ؟؟؟ نحن زملاء في المنتدى وبحكم انك تفهم الناقص فهمت من كلامي ان الاصدقاء لي على مواقع التواصل الاجتماعي هم خلان او ما شابه بل اخواني في الله وبنات وشباب واتبادل معهم ارقى الحوارات واستفيد وافيد والحمد لله استطعت ان ارسم اجمل صورة على الفتاة الجزائرية واستطعت ان اجعل العديد من ابناء السعودية والخليج بصفة عامة يحجون الى قلعة الثوار من اجل السياحة والتعرف على هذا البلد المظلوم من طرف حكومته وشعبه قبل ان يظلمه الاخرون واعجبوا ايما اعجاب بالجزائر وطبيعتها رغم انني كنت خائفة من شيء واحد وهـــــــــــــــــــــو : ان يتصادفوا في طريقهم هؤلاء الذين تحدثت عنهم في موضوعي فيرجعون الى بلدانهم بصورة سوداء عن الجزائر وشعبها بصح الحمد لله ستر ربي

رد: لي يقول الحق راسو ينشق !!! ؟

اقتباس:

المشاركة الأصلية كتبت بواسطة algerien28 (المشاركة 1562115)

assalamou alaikom une petite question ma soeur hal youdjad fi el islam alakat sadaka bayne el radjoul el adjnabi wa el maraa hata ine kanate an tarik el internet awe chabakate tawasoul ??

اقتباس:

المشاركة الأصلية كتبت بواسطة مهندس (المشاركة 1562118)

شكرا اخي لكن المواقع الاجتماعية سلاح ذو حدين والعاقل يعرف جيدا استخدامها فهي فضاء لتبادل الرؤى والاستفادة والترويج بايجابيات البلد وهي فضاء للاحتكاك بالشعوب الاخرى ومعرفة المزيد عنهم وانا شخصيا الحمد لله استفدت منها فائدة عظمى واستطعت ان اخرج بخلاصة تمحيصية عن مزايا كل شعب من الشعوب العربية ولو نسبيا شكرا على مرورك اخي

رد: لي يقول الحق راسو ينشق !!! ؟

في رأي أحذفي قاع لي ما تعرفيهش وخاصة الأولاد

رد: لي يقول الحق راسو ينشق !!! ؟

اقتباس:

المشاركة الأصلية كتبت بواسطة يوسف جزائري (المشاركة 1562117)

يعجبني الاذكياء بارك الله فيك هما صحيح كل العرب ضايعين لكن انا اشرت الى نقطة مهمة جدا جدا الا وهي العفوية المطلقة للجزائريين التي تحولت الى ضارة اكثر من نافعة وبالعامية تاعنا " يدخلو عليها روس " يا خويا راني عمري في حياتي من خمس سنين ما لقيت جزائري يعرف ولو قليل من الدبلوماسية في التعامل ويغطي على عيوبو ويفهم وقتاه يتمسخر ويلعب وقتاه يكون جدي كيفاش يشوف في الصفحة تاع الفايس بوك فيها ايات قرانية و اخوة متدينين يجي ينشرلي فيها صور خليعة ؟؟؟ وهذا انا نسميه عبد ؟؟؟ محال يكون عبد على الاقل الشعوب الاخرى تعرف شوية دبلوماسية تعرف شوية ترقى بنفسها ولو بالتمثيل وبالنسبة ليا تمثيلهم مقبول احسن من عفوية السائمة -

رد: لي يقول الحق راسو ينشق !!! ؟

اقتباس:

المشاركة الأصلية كتبت بواسطة يوسف جزائري (المشاركة 1562117)

[QUOTE=hichem908;1562130]في رأي أحذفي قاع لي ما تعرفيهش وخاصة الأولاد[/QUOيا خويا لعزيز راك عارف الجزائريين نحذفو من يروح يدخل باسم طفلة من بصح فقتلهم :8:

رد: لي يقول الحق راسو ينشق !!! ؟

اقتباس:

المشاركة الأصلية كتبت بواسطة اماني أريس (المشاركة 1562133)

يعجبني الاذكياء بارك الله فيك هما صحيح كل العرب ضايعين

هذي ما حبيتهاش منك أختي أماني وحنا كلنا عرب :9: