|
العنف....في الملاعب
حكاية شاب جزائري مكافح ...رغم فشله في كل محاولة الا انه ما زال يسعى للكسب الحلال هذه هي رسالته السلام عليكم .................... خاوتي خياتي واش نحكيلكم انا قصتي قصة في عمري 26 سنة المهم انا جوزت العسكر كيما انا كيما الناس في تمنراست وبالضبط في عين قزام في الحدود مع مالي والحمد لله والمهم قبل منجوز العسكر كان حلمي اني نكون عسكري او دركي ولكن الله غالب راكم عارفين الدنيا كامل معارف وانا الله غالب زوالي ولد زوالي معندي حتي واحد الا ربي سبحانو ... المهم كي كملت العسكر وخرجت والحمد لله بديت ندير في الدواس تاع الخدمة وانا كلي امل ان نلقي خدمة لانهم اقولو الي عقب العسكر عندو الاولوية " هــدرة برك " ... ايــا درت في كل حاجة درت في الحماية المدنية"هههه" الي يدخلها غير فلان ولد فلان يعني انا غير ضهري ودرت ودرت في الجمارك"هههههههه" هذي ايكون باباك وزير باش يقبلوك يعني غير ضهرلي ... ايا حبيت ندير في الشرطة بصح الله غالب السي الهامل بدل القانون الي 23 سنة" وانا زعما عقبت العسكر باش ندخل لشرطة" ... ايا درت في الوضيف العمومي في التربية الصحة ادراة السجون " نفس الشيئ " المعريفة مكاش ..... ايا دورتها لونساج انا قلت بالاك ياك راهم ايقولو الدولة راهي تعاون الشباب " الغني برك" وببحكم عن شهادة تقني في الاعلام الالي درت باش اخلوني نفتح مقهي انترنات" تبوس عينك و متفتحش " بسبب الوثائق المطلوبة ايا محبوش يقبلولي الملف تاعي في البنكة ..... ايا وليت نخمم واش ندير واش ندير قــررت نفتح طابلة تاع دخان نبيع الكاوكاو والدحان والشمة" اكرمكم الله" والمشكل الدولة مخلتنيش جاو نحاو الطابلة قالولي متحلش هنا " الله غالب مكتوب ربي" ..... ايا زت خممت واش ندير واش ندير سمعت بلي كاين مسابقة تاع جمارك في نوفمبر 2012 ايا رحت نحط ملف" 10 ايام وانا نروح باش قدرت نحط الملف"الناس تحط الملفات بار تيلفون " وهكا قلت معليش والله غير نحط الملف ايا حطيت وجوزنا البسيكو و الامتحان الكتابي والي يومنا هذا مكان والو ... " الناس الي تدخل والله متسمع كامل بلكنكور" ..... ايا دوكا قـــررت نخدم في شونطي وخلاص" الله غالب بلادنا كيما هكا " " المعريفة + الجنس اللطيف + ولد فلان + الرشوة" . . . . هدي حكاية شاب بقي يبحث عن الحلال ولكن هل كل الشباب لهم نفس الراي هدا هو سبب ما يحدث في ملاعبنا وشوارعنا https://fbcdn-sphotos-b-a.akamaihd.n...40906713_n.jpg --- منقول عن شاب جزائري |
رد: العنف....في الملاعب
الله يجيب الخيير
الشعب راهو عايش قدرة ربانية برك الله يصلح لحوال |
رد: العنف....في الملاعب
هذي هي مشكلة تاع الجزائر الشباب فقد الأمل من هذي البلاد كي الي قرا، وكلي مقراش فأنا مثلا زعمه قريت وضيعت محياتي السنين باش مع التالي انصيب خدمة انقية ومحترمة صبت روحي نخدم في الفلاحة وهذيك الأحلام الوردية اللي كنت انخمم فيها والله ماكاين والوا الصحيح. أنا مشكلتي الخدمة الوطنية ما بعثولي به النجوزهم ما بعثوالي لاليفورم. وكي سقسيتهم قاللولي له راك حاب الجوزهم. راني معلق لا مسابقات تاع التوظيف ولاهم يحزنون نهار نخدم وعشره كاعد ....والحكاية مازالت اطويلة انهايتها ياإما حنهبل ولا حنهبل وحدى مازوج .هم يضحك وهم يبكي صح ولا ماشي صح
|
رد: العنف....في الملاعب
بعض الشباب يعيش مشاكل موجودة فقط في رأسه لأنه تربى على التقاطها من الأسرة و المجتمع و الإعلام لدى نلحظ أن جل طاقاته سلبية اتجاه الواقع و المحيط ما يحتاجه شبابنا هو الشحن الإجابي لهمته لا لتبرير عنفه في كل مرة |
رد: العنف....في الملاعب
سبحان الله أعرف شابا حكايته تبدأ من حيث إنتهت حكاية المعني ،، عندما إستقر الأمر على العمل بالبناء فكان يكدح في الصباح الباكر ويعود بعد الظهر يرتاح ينام قليلا ثم يقوم وقد تهندم وبإبتسامة ورضى رائعين يقبل على صلاة العصر ليتبعها ببعض الدروس في أصول دينة فيتعلم التوحيد والسنة وأمور صلاته وبقية عباداته ،، ثم يعود لبيت أبوية بكل طمأنينة ووقار فيبر عائلته بما يقدر ثم بين المغرب والعشاء حصة مراجعة القرآن ،، بعد صلاة العشاء سمر بسيط مع الإخوة ثم النوم،، إستقرت حياته وبدأت تتكون عنده بضع دريهمات ورأس مال يمكنه من الزواج أو تأجير شبه بيت ببسيط ففعل ،، وتوال تمسكه بالله والرضا والدعاء فتحسنت حاله وإطمئن قلبه وإستقر وضعه وجمع قلبه ،، فما الحياة إلا وقيتات وفقط . ومن أصبح معافى في جسده آمن في سربه وعنده قوت يومه ،، فقد حيزت له الدنيا وما فيها. أمّا أولياء الأمور ممن قصر في خدمة رعيته فحسابهم عند الله نسأل الله أن يهديهم ويوفقهم لخدمة البلاد والعباد |
رد: العنف....في الملاعب
اقتباس:
ما نحتاجه هو هذه التكملة التي تزرع الثقة بالنفس و حسن الظن بالله عز و جل لكننا في كل مرة نجعل هذا الجانب في الظل كأنها سياسة تحطيم داخلي تمارس وللأسف من طرف الأسر و أولياء الأمور و المربيين............و هلم جر |
رد: العنف....في الملاعب
هذا كلام جميل عند الذي يسمعه ولكن عند صاحب المشكلة هذا الكلام هو كلام فلسفي أو نظري سمه كما تريد؛ أنا أو غيري من الشباب صح نحن طاقة، والطاقة التي بداخلنا إذا لم يكن لها طريقها أو منفذها الأليق بها ستشكل لا محالة مشاكل أخرى ويتعدى المشكل من هذا الشاب إلى الأسرة ثم المجتمع
ياناس نحن الشباب رانا نعانوا حقيقة تتكلمون عن التدين إسمعوا مني هذا: أنا كانوا يضربوا بي المثل في التدين والإستقامة، نحفظ من القرآن ومن الحديث والسيرة ...الأن أروح وشوفني كيف أصبحت ياو قالوها ناس ازمان الفقر ايكفر المشاكل التي في راس الشاب لا يمكن أن يحتملها إلا رأسه هو. متى أتحصل على وظيفة، ثم أبني حتى نغطي راسي، أيا قولي وينت أنفكر في الزواج...الفتات اللي انفكر فيها تتزوج حتى أصبحت عندي طرفة الفتات التي تريد الزواج تأتي لي لكي أفكر فيها ليسهل لها الزواج. مشكلة الشاب أراح الله لك زهنك عنها فأرح أنت منها لسانك. هذا لمن يسفه عقول شبابنا أعتذر إن أسأت الأدب |
| الساعة الآن 08:35 PM. |
Powered by vBulletin
قوانين المنتدى