منتديات الشروق أونلاين - أدخلو تضحكو شوية ؟؟؟؟ فمي واش يعمل فيا ؟؟؟؟

حبيت نحكي على موضوع الثرثرة والتدخل في خصوصيات الناس بالنسبة للرجال
و النسا كيف كيف..
بحوار فكاهي مطول بعض الشيء..
حوار شيق من حياتنا اليومية الى حد ما
متمنية من ربي اني نقدر نرسم ضحكة او حتى مجرد إبتسامة على شفايفكم
http://upload.4algeria.com/do.php?img=14432
نبداو في السرد الممتع و أسمعو وإستمتعو وتخيلو ما يحدث !!!
مع ناس ما نعرفوهمش و لا عمرنا ما شفناهم !!!
مثلا عند طبيب الأسنان أو Dونتيست كيما إعتدنا نسموه حنا الدزيريةhttp://upload.4algeria.com/do.php?img=14425
Dيجا كي تدخلي ليه ما نحكيليكش ... معنوياتك كلها راهي هابطة في zيغو .
أكيد هذا الموقف عgب عليكم ...
شيء من الخوف و شيء من طول الإنتظار و هاتلي عقلك في هذي اللحظات.
كل واحد واش يخمم ...
تبدا كاش واحدة من المنتظرين تحدق فيه
و تملا عينها منك مليح و تتقلب من اليمين لليسار وتحمحم شوية
طبعا انت بحكمتك وذكاك راك فاهم واش رايحة تحكي و تg وول
ومن هنا تبدأ رحلة التطفل و المعاناة
تيبداك بأول سؤال : موالفة تجي عند هذا الطبيب
وكأنها حابة تستفسر على تاريخو المهني دايرة روحها متعرفوش
وبعد تنطلق عليك بوابل من الأسئلة التقليدية مرة وحدة
انتي منين ؟ واش إسمك ؟ وين تسكني ؟ متزوجة ؟ ولا لا ؟
كانك متزوجة .. عندك الأولاد ؟ هيا ؟ منعتي تفوت لسؤال آخر
كان ماعندكش الولاد ؟ تسقسيك على مدة زواجك ؟ كان المدة طويلة
تحطي في شبكة
وعلاه وكيفاه و العيب منك والا منو وهلم جر؟؟؟؟؟
ساعات يا خيوتي وخواتاتي الواحد في هذا الموقف
كأنو منوم مغناطسيا ههههه
)حالة رائعة من الإسترخاء راح قريبا نطرق ليها في الركن المخصص ليها (
طبعا ما هيش pub راني نضحك معاكم برك
تبدا انت تجاوب وتحكي و هي تتعمق في خصوصياتك وكأنك تعرفها من سنين
وانت أكيد حدثت معاك هاذي الضاهرة ؟؟؟أحكي برك و ما تخبيش ههههه؟؟؟؟
هيه نسيت في هاذي الأثناء العيون الكل راهي متشربة ليك
و الردارات كلها موجهة باش تكاpبتي واش راك تgول وتحكي
في هذه الجلسة الممتعة والعكس صحيح
تجيك بين الحين والآخر الممرضة نقصو الحااااااااااااhttp://upload.4algeria.com/do.php?img=14426ااااااااااااااس
مرة تسكتك باش يقدر الطبيب يخدم خدمتو وما يسمعش الهدرة
ومرة باش تسمع الحكايات الي تدور بين المرضا
يا خي حالة يا خي عذاب ومحاين
وليتي معروف يا شاطر عند الممرضة زيد واحد آخر للقائمة يسمع حكايتك
ويتعرف عليك عن قرب
شه فيك شفتي وين وصلاتك صراحتك
وفمك طبعا كان حكيتي كلش …ههههههه
و كانك ذكي وعرفتي تتسرسب من هذوك السوؤالات نتيريلك الشابو
يا حاذق … ونستعرف بيك منعتي
و أخيرا تمت الحكايــــــــــــــــــــــــ ــــــــــــــــــــــــــــــ ــة في لا sال
بعد هاذا الكل و بعدما إستفرغتي كل طاقتك في الحكايات والتوانيس
أخيرا جـــــــا تورك للاvيزيت واووووووووووووووووو تهنيتي
لي كنتي تقريبا نسيتيه
تفضل الآن عند الطبيب
يا صريح و خلي فمك هههههه
يز يد يخدم و يتعذب في جيهة و من جيهة أخرى .

أعجبني