سلطة عش الحنونة من اعدادي
 

السلام عليكم
جبتلكم السوم سلطة بسيطة جدا ومقاديرها موجودة واقتضادية وتحفة
اولا : السلطة
http://im38.gulfup.com/tq31b.jpg
المقادير:
خبز الرفيق السوري
حبة جزر
2حبة طماطم
7حبات بيض مسلوق
خس اخضر
مايوناز +زعفران وملح +فلفل اسود+خل +زيت +موطارد او مايسمى الخردل

وزيتون اخضر مثقوب
http://im38.gulfup.com/2EV3x.jpg
طريقة التحضير :
تقطعي الخبز الشوري بالمقص الى خيود بطول 10سنتمت وعرض 5ملمتر
وتقليها فالزيت حتى تحمار وتنحيها وتحطيها في ورق باه تقطر
http://im38.gulfup.com/5DMrD.jpg
تغلي البيض وتقصيه من فوق وتخلي البيضة كاملة وتنحي منها الصغتر
تحطي البياض على شكل بيض جانبا وقومي بهرس الصفر بالاضافة للمايوناز والمطارد والملح والفلفل الاسود والذعفران للتلوين حتى تتشكلك عجينة من صقار البيض
تعاودي تحشي البيضات بهديك لعجينة
والعجينة المتبقية تقومي بتكويرهاعلى شكل دوائر وتحطيها فالثلاجة
وتجيبي سحن التقديم تحطي فيه الرغيف السوري المقلي على شكل عش
وتحطي في قلبو السلطة ومن بعد الطماطم والزيتون بلا ماننسى لاصوص تع السلاطة عادي خل +زيت+ملح+ثوم
تخرجي كرات الصفار وتحطيهم فوق البيضات وتقصي الجزرة لمثلثات وتديريهم على شكل مناقير للبيضات وتجيبي حبات طيب ولا قرنفل تديريهم عينين للعصافير وتحطي فوقهم قبعات البياض الي قصيتيعم من قبيل
ومن بعد حطيهم فالعش الي خدمتيه
وزيني بالمايوناز
http://im38.gulfup.com/i8tH0.jpg
ثانيا الحنونة
وهي عبارة عن حمامة مصنوعة من الخبز
http://im38.gulfup.com/f2vcW.jpg
عجينة خبز الدار العادية وتشكليها على شكل حمامة وتديريلها عينيها حبات قرنفل وتدعنيها من فوق بالبيض +قهوة وقطرة فاني وبصحتكم نخليكم مع الصور
http://im38.gulfup.com/i8tH0.jpg

http://im38.gulfup.com/2EV3x.jpg

http://im38.gulfup.com/nxtwz.jpg

رد: سلطة عش الحنونة من اعدادي
 

السَّلامُ علَــــيْكُمُ

الله يبارك ماشاء الله ديكور وعليه لكلام ووصفة قالتلهم احبسو ماشاء الله ، راكي شاطرة وتبعدي فالعين عليك


راني نتخيل في طبقك تاع المسابقة أكيييييييد رايح يفوز انا طبقي جا باشع بزااااااف والتصوار جا صامط ومخلط ههههه

بصحتكم حاجة شابة ان شاء الله غدوى نديرها للفطور كمقبِّلة ، شكرا لكِ

أسْتَغْفِرُ الله وأتُوبُ اليْه

رد: سلطة عش الحنونة من اعدادي
 

رد: سلطة عش الحنونة من اعدادي
 

السَّلامُ علَــــيْكُمُ
انا كي جيت نصور صرى فيا الباطل وشبعت بكا ههههه وقريب ماشاركتش


أسْتَغْفِرُ الله وأتُوبُ اليْه

رد: سلطة عش الحنونة من اعدادي
 

رد: سلطة عش الحنونة من اعدادي
 

رائع ماقدمتي

ديكور في غاية الجمال

سلمت يداك

رد: سلطة عش الحنونة من اعدادي
 

رد: سلطة عش الحنونة من اعدادي
 

يممممممممممممممممممممممممم لها روعة

رد: سلطة عش الحنونة من اعدادي
 

رد: سلطة عش الحنونة من اعدادي
 

ابدااااااع هكذا اريدك حبيبتي