|
الشهرية.....
الشهرية....
واش حكايتك معايا نتيا... كيما تجي كيما تروحي واش راكي دايرة فيا... ملي يبدا الشهر و أنا نستنا فيك و ماشي غير أنا حتى لمرا و الذرية... الحفاف يسال و الحانوت يسال حتى البيسري و لي يبيع الأدوات المدرسية... و المشكل ماراهوش فيك غير ما تخافيش يا ممو عينيا... المشكل في هداك لي سماك شهرية.... بين تريسيتي و لكرا و زيد الخضرا و الماء و المواد الغذائية... تخلاصي و تخليني نكمل الشهر ننفض في يديا... اللحم و الجاج... يا حسراه و لينا ناكلوه غير في لعياد... و الفاكية راهي تسلم عليك و عليا.... لحياه راهي غير تصعاب و معاها تصعاب حتى المسؤولية.... قوليلي واش حكايتك يا الشهرية... إدا كان على البراكة راني نحوس غير عليها هي... و إدا كان عليا أنا.... راني موالف بالميزيرية.... طالب من لي راهو يسمع فيا... مرتي و ولادي و حتى لي معندوش علاقة بيا... أعذروا خوكم مسكين هادي حالة الزوالية... و كيما قالوا ناس زمان.... البراكا في الشيء كي يكون شويا.... ................................ من بوح القلم.... |
رد: الشهرية.....
هههههههههه و الله ضحكتني هاد الحالة ---------شر البلية ما يضحك-------هههههههه
ربي يكون في العون |
رد: الشهرية.....
سررت بطلتك الظريفة
تقبلي مودتي دمت |
رد: الشهرية.....
والله روووووووووووووعة كليمات رائعة وتعبر على الحال وخصوصا على حياتنا اليومية بارك الله فيك دمتي متالقة دائما غاليتي
|
رد: الشهرية.....
البراكة فالقليل .... قالوها ناس زمان لكن لقليل يرجعك عليل .... مع ناس هذ الزمان خصوص الزوالي يا حليل .... من كل جيه مــُــدان الزهر عليه راه بخيل .... خلاه بين ربع حيطان ديمى يحس روحو ذليل .... وسط الأصحاب والأقران كل واحد ورزقوا بالتهليل .... التكبار كاين من يديرها بالعان والزوالي حار وين يميل .... هذو ذراري وهذي لمحان يبات سهران طول الليل .... خلاص الشهر وشي ما بان القلب بالنيران شعيل .... هكذا قدر عليه الرحمان بارك الله فيك أختي على ما خطت يداك سعدنا بعودتك |
رد: الشهرية.....
اقتباس:
|
رد: الشهرية.....
hihihihihihihi
this potry is so good thabel ta3 elsah khoya |
رد: الشهرية.....
اقتباس:
نورتي صفحتى |
رد: الشهرية.....
اقتباس:
و فيك بركة أخي مشكور كذلك أبدع قلمك دمت متميزا نورت |
رد: الشهرية.....
اقتباس:
شكر لطلتك البهية مودتي و إحترامي نورت |
| الساعة الآن 03:44 AM. |
Powered by vBulletin
قوانين المنتدى