|
همم تتحدّى القمم ..
بسم الله الرحمن الرحيم انا حكايتي مع النقاب انا كنت نفسي البسه من زمااااان كنت بحب اي بنت منتقبة اشوفها وكنت دايما اقول يا امتى بقى هلبس النقاب ان شاءالله اول مااخلص دراسة و اتجوز هلبسه طب ليه؟؟؟ السؤال ده ماكانش ليه اجابة عندي قولوا بقى كنت بهرب منه ماكانش بييجي ف بالي الله اعلم المهم في ايام الثورة و من كتر الزهق مفيش خروج ولا كلية ولا اي حاجة خالص الدنيا كلها اخبار فكنت بكلم صاحبتي نفك عن نفسنا شوية صاحبتي دي منتقبة من زمان حوالي 3او4سنين كده سألتني سؤال قالتلي ايه القرار اللي لسة ماخدتيهوش لحد دلوقتي قلتلها من غير تردد النقاب ناوية البسه بس مش دلوقتي فسالتني السؤال اللي كنت بهرب منه ليييييه قلتلها مش عارفة و بدأت افكر ف الموضوع بجد ليه مالبسهوش دلوقتي؟ صاحبتي دي قالتلي الجامعة هو اكبر مكان فيه فتن وده احسن وقت تلبسي فيه النقاب مش لماتتجوزي فكرت جدا و ف خلال يومين تقريبا قررت اني البس النقاب و انا لما اقرر خلااااااااص تبقى انتهت لكن فضلت المشكلة الكبيرة ف انتظااااري |
رد: همم تتحدّى القمم ..
الا وهي . . . . . . البيت والدتي متوفاة و والدي مش بيحب النقاب خااااااااااااااالص هعمل ايه يا ربي قلت لاخويا ف رسالة و لكنه ماعبرنيش فقررت اقول لبابا -بابا انا عايزة اقولك ع حاجة بس ماتزعقش -ها -انا عايزة البس النقاب رد وعلامات الغضب على وشه: نقاب؟؟؟؟؟؟؟ لا -طب لييييييه -سيبيني افكر شوية -شوية اد ايه -شوية يعني 3 ايام سبته حوالي 5 ايام خلال ال5 ايام دول كنت بدعي ربنا جامد اووووي انه يلين دماغ بابا و يوافق و كده و بعدين قعدت و كان اخويا قاعد وقلتله بابا فكرت؟ قالي اه قلتله: ها؟ قالي قلت لا لا؟؟؟!!!!!!!! طب ليه؟؟؟؟؟؟؟ هو انتي اللبس اللي لابساه وحش؟ النقاب مش فرض و..و..و... الى اخره وبعدين سألني سؤال محرج قالي هتلبسي النقاب ليه؟ بتتعاكسي؟ رحت قايلاله اه اتصدم انا كنت اتكسف اقول لبابا حاجة زي دي قالي بيقولولك ايه قلتله مش هقولك بقى قالي طب مش بتقوليلي ليه قلتله اقولك ليه؟ فسكت و سكتت وعم الصمت و الهدوء ارجاء المكان و بعدين قمت انا بقى قعدت اعيط ف الاوضة مفيش 5 دقايق و بابا جه قالي خلاص البسيه فرحت جدااااااااا مع اني كنت لسة بعيط و بعدين نزلت مع صاحبتي اشتريت النقاب و اللبس الاسود وده كان مشكلة بابا بردو انه عايزني البس ملون بس الحمدلله لبسته يوم 25 فبراير بعد الثورة بشهر بالظبط كان احساس راااائع بجد و من يومها و انا مش متخيلة نفسي حتى من غير النقاب بحبه اوي |
Re: همم تتحدّى القمم ..
|
| الساعة الآن 12:38 AM. |
Powered by vBulletin
قوانين المنتدى