|
| سَـ أَعُودُ بَيْضَاءْ |
منقول عن منتدى أحلى حياة | سَـ أَعُودُ بَيْضَاءْ | مولد فرح ♥ حِكَاية نِقَابِي ♥ نبذة مختصرة عن حياتنا ^^ * أنا طالِبَة جَامعِيَة في كلية " تجارة إنجليزي " = (( تحرُر مُرِيبْ )) * مَغْربِيَة الأصل ، و ده مخلي العائلة فاكرين نفسهم أجانب * متحررين إلى حَدٍ مَا في الأفكار و التعامُلات * وَ أخيراً مُرَفهين بدرجة كبيرة جداً جداً ! |
رد: | سَـ أَعُودُ بَيْضَاءْ |
بِداية الإلتِزام أنا بإختصار شديد عرفت منتدى " أحلى حياة " سنة 2009 عَن طريق الصدفة !! و كان هو سبب إلتزامي بعد فضل ربنا سبحانه و تعالى عليا .. بدأت أقرأ كتير جداً ، في فترة قصيرة جداً .. و أفتكر إن " النقاب " بالنسبة ليا كان شيء بشع .. أيوة ../ أنا أهلي كانوا مرسخين في دماغي إن المنتقبات وحشين جداً .. يا إما : حرامية قبيحة سيئة السمعة كبيرة في السن بها عيب خلقي و طبعاً بعد تعلقي بالمنتدى ، و البنات ، و القصص ، و الحكايات .. إتعلق قلبي بالنقاب جداً .. و كان عندي 15 سنة أقنعت والدتي بعد صراعات طويلة مش هقدر أتطرق لها .. بس اختصاراً " أنا اتبهدلت لحد ما وصلت له " و فعلاً إرتديته يوم 9 / 9 / 2009 |
رد: | سَـ أَعُودُ بَيْضَاءْ |
إنتكاس لكن للأسف مع الأيام حسيت بضيق تنفس ، تعبت جداً ، روحت للدكتور قالهم : بنتكم مينفعهاش نقاب ! ، عندها ضيق تنفس هتموتوها عشان نقاب ! إستهتر بيه جداً .. و دمر حياتي إجبروني أخلعه .. بابا قالي هتبرى منك .. مكنتش أعرف ملتزمات ،، مكانش معايا حد كمان يشجعني و يقولي لا اثبتي ،، نسيت كل حاجة ! نسيت أول فرحة لما لبسته .. نسيت لما والدتي وافقت .. نسيت أول نزلة بيه .. نسيت العذاب اللي اتعذبته عشانه .. نسيت دموعي اللي كانت بتجري عشان احطه على وشي .. نسيت قيام الليل و الدعوات و توسلي لبنات المنتدى عشان يدعولي كل ما يفتكروني .. في لحظة ضعف خلعته بعد ما كنت لبسته سنتين كاملين ! |
رد: | سَـ أَعُودُ بَيْضَاءْ |
لحظة ندم ! خلعته و أنا مجبرة بس بيني و بينكوا و من غير كسوف حسيت لأول وهلة إني مرتاحة أة الشيطان زيّن ليا شكلي ، و قالي وشك جميل و حلال طلاما لبسك محتشم و محترم بس القضية مكانتش في حلال و لا الحرام القضية كانت في الثبات على الزي الشرعي من غير النقاب ! طبعاً كنت وقتها في 3 ثانوي ، و بعد ما خلعته بدأت تدريجياً أنزل في لبسي .. من عباية واسعة ، لعباية بوسط .. من طرحة طويلة ، لطرحة قصيرة .. من جوانتي ، لمفيش جوانتي و لا شراب .. طيب ليه التعقيد ؟ لبست جيبات .. و بعدها باديهات على الجيبات .. ملهاش لازمة الطرحة الطويلة ! و أخيراً انا بلبس جينز و بادي لما وصلت للمرحلة دي كرهت نفسي ، و الدراسة ، و الدكتور ، و أهلي ، و غبائي ، و ضعفي .. كرهت كل حاجة فعلاً مبقتش أذاكر ، مش مركزة ، حاسة ان في حاجة ناقصاني ، في حاجة غلط !! مجموعي قل 6 % عن سنة 2 ثانوي لإني بعدت عن ربنا و مثبتش .. بس مجموعي كان كويس و دخلوني " تجارة إنجليزي " |
رد: | سَـ أَعُودُ بَيْضَاءْ |
كارثة مِنْ نَوعٍ آخَر كليتي كارثة بمعنى الكلمة ، بعد ما كان مش عاجبني حالي عشان مش ملتزمة ، و مش متدينة .. بقى مش عاجبني حالي عشان انا مش إستايل و لا شيك في لبسي زيهم ،، أصلهم مش لابسين و أنا نوعاً ما لابسة !! كل حاجة في حياتي بقت عادي .. الصحوبية عادي الأغاني عادي الإختلاط الزيادة عادي اللبس اللي مش ملبوس عادي اني اجمع صلوات او مصليش أصلاً عادي جت الإمتحانات و أنا متأثرة بالجو ده جداً ، مكنتش اعرف حاجة عن المنهج انا كنت بحاول أكون زيهم بس !! إمتحنت في حجات أول مرة أشوفها ، النتيجة ظهرت شيلت مواد |
رد: | سَـ أَعُودُ بَيْضَاءْ |
نُقطة تَحُول بدأت أفكر بهدوء هي الكلية ذنبها إيه ؟؟ هما البنات المتحررات و الإختلاط ذنبه إيه ؟؟ هما الرجالة اللي مش رجالة هناك ذنبهم إيه ؟؟ العيب فيا أنا ! طيب أعمل إيه ؟ بدأت أوسع لبسي ،، مسمعش أغاني ،، سيبت أصحابي ،، بقيت أقعد في المسجد كتير ،، بس بعد فترة مقدرتش ، أعدت في البيت و مبقيتش أنزل الكلية .. طبعاً والدتي إتضايقت و ده مستقبلك إنتي مش وش نعمة |
رد: | سَـ أَعُودُ بَيْضَاءْ |
صِرَاع كلاكيت تاني مرّة أنا : ماما ! أنا عايزة ألبس النقاب .. ماما : نعم " عنيها بتطلع شرار " أنا : عايزة ألبس النقاب ، إنتم أجبرتوني أخلعه و انا تعبت :/ ماما : إنتي بتستهبلي مفيش نقاب متفتحيش الموضوع ده تاني ! أنا : لا هفتحه ، أنا مش عيانة لدرجة الموت ده بيتلكك ماما : انتي هتفهمي أكتر من الدكتور ! ، و بعدين خلاص لبستيه و خلعتيه هو مش لعبة ، الناس أكلت وشنا أنا : مليش دعوة سامحيني أنا هلبسه (( طبعاً موقفها بعد الجملة دي اتحول من الرفض ، للعند و الهجوم )) ماما : عارفة لو لبستيه ؟ انا هحرقهولك ، و هسيبلك البيت و أمشي " ماما مش بتهزر في الحجات دي للأسف ! ، فمكانش ينفع ألبسه من وراها " أنا طبعاً ضعيفة جداً يا بنات ادام والدتي ! و أعدت 4 شهور من بداية الـ term لحد النهاردة ما بين قيام ليل ، دعاء ، صحبة صالحة ، قرآن ، دموع ، خشوع ، و قبل كل ده صدق مع ربنا سبحانه و تعالى في طلبي و حاجتي الشديدة للنقاب .. و سبحان الله رغم إن العالم كله كلمها عشان يقنعها بالنقاب ليا .. بعد ما خسيت و حالتي بقت صعبة و نضارة وشي راحت ! و هي لا يعني لا صاحبتها كانت موجودة منتقبة و اعدت تحكي لنا قصة نقابها ، و أنا عيط و هي بتحكي من شوقي له صعبت عليها .. و قالتلي و هي مش طايقاني اعملي اللي يريحك أنا مليش دعوة ! و إنتقبت اليوم و لله الحمد .. بس هيفضل تاريخ 9 / 9 / 2009 هو التاريخ الأقرب لقلبي بجد إحساس كل حاجة حلوة رجع ليا تاني حقيقي مفيش مستحيل مع ربنا أبداً دعواتكم لي بالثبات ، و لا تنسوا الدعاء للمشتاقات .. اللهُم قُرّ عَينْ كُل مُشتاقَة إلى النِقاَب بالنقاب |
رد: | سَـ أَعُودُ بَيْضَاءْ |
باسم الله والصلاة والسّلام على محمّد وآله وصحبه
أمل يا أمل ، ، ، لا أدري إن كانت حكايتك(لكونها باللهجة المصرية)أم منقولة ، لكن المهمّ أنها أثرت فيّ بزاف ، ربّ يثبتك يالغالية ، وكل من اختارت طريق التّستّر، لكن سؤال بسيط لو سمحتِ ماذا تقصدين بالنقاب؟أتظهر عيناكِ أم هو إسدال كامل؟ بوركت وحسناتك غاليتي |
رد: | سَـ أَعُودُ بَيْضَاءْ |
اقتباس:
السلام عليكم ورحمة الله وبركآته أهلا بالحبيبة ♥ صديقتي ،، أشرت في أول الموضوع أنّني نقلته وهي قصة حقيقية :) اللهم آآمين يا رب .. أنا ألبس نقآب لكن أظهر عيناي ليس ستارا وفيك بارك الله حبيبتي :15: |
رد: | سَـ أَعُودُ بَيْضَاءْ |
لم أنتبه ،، أعتذر :2: فعلا لم أشر لنقلي للموضوع أشرت في موضوع آخر http://montada.echoroukonline.com/sh...09#post1717509 |
| الساعة الآن 11:48 PM. |
Powered by vBulletin
قوانين المنتدى