منتديات الشروق أونلاين

طفل صغير كل يوم يروح للبنكا
و يحط 1000دينار
الموظفين استغربوا
قالوها للمدير قالهم المرة الجاية كي يجي
جيبوهلي نتفاهم معاه يدخل الدراهم كامل ضربة وحدة
و نزيدوه الفوائد باين ﻻ باس عليه
و لازم نستافدو منو
وكي جا الطفل الصغير دخلوه للمدير
المدير قالو واش تخدم
قالو انا مانخدمش
المدير قالو و منين راك تجيب في هادو الدراهم كامل ؟
قالو الطفل انا نتحدى الناس و نتخاطر معاهم
والرهان ب1000 دينار و ديما نربحهم
المدير قالو كذاب قول الحق منين تجيب في لفلوس
قالو الطفل تتخاطر معايا على 1000 دينار اني نبوس عيني
قالو المدير نتخاطرو
جبد الطفل عينه اﻻصطناعية
وباسها ورجعها
والمدير خسر الرهان و اعطاه 1000 دينار
الطفل رجع نهار الاخر و عيطلو المدير قالو
هذاك الخطار اللي عندك...
قالو الطفل تحب تعاود تخاطر معايا نعاودوها
قالو نتخاطرو على 1000 دينار نعض وذني
المدير يقلب في وذنو لقاها حقيقية قالو أوكي
الطفل نحى فمو لمركب و عض بيه وذنو
و خسر المدير للمرة الثانية
رجع الطفل النهار الثالث قالو المدير حاب نرجع
دراهمي
قالو الولد موافق انا نعاود نتخاطر معاك اذا انت
ربحتني نعطيك دراهمك قاع
واذا خسرت ناخذهم من عندك قالو موافق
قالو المدير موافق
الطفل قال للمدير تتحداني انو لون الكالسون
الي ﻻبسو ازرق
المدير فرح وقالو ﻻلا موش ازرق
الطفل قالو ﻻلا ازرق
المدير قال ﻻ والله ما ازرق
الطفل قال للمدير اثبتلي انه موش ازرق
هبط المدير السروال و قالو رجعلي دراهمي
بدى الطفل يضحك
قالو المدير علاش تضحك
قالو علا خاطر را ني متخاطر مع كامل الموظفين ب 3000 دينار لكل واحد اني انحيلك سروالك