منتديات الشروق أونلاين - اضحك هههههه ............ومتقول حتى الواحد.....

خابط راح يحضر جنازة فسقسى واحد مهبول: "وش يخدم الميت يا خو؟" قاله المهبول: "يحفر قبور". رد الخابط :"سبحان الله اللي يحفر حفرة لخوه يطيح فيها"
*¤ô§ô¤*
واحد دايما يدخل للقهوة ويقول للقهواجي: عندك قهوة باردة؟ يقولو: لا , يزيد يجيه غدوة ويقلو كيما المرة اللولة ويرد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: انعم, قال: سخّنها وجيبهالي
*¤ô§ô¤*
واحد دا بنو ومرتو في رحلة في السيارة, وكي فاتو على ناطحة سحاب قال الطفل: وشي هذا يا بابا قال الأب: والله ما نعرف, وزادو فاتو على مرأب للسيارات قال الطفل: وشي هذا يا بابا رد الأب: والله ما نعرف وزادو فاتو على مسبح قال الإبن : وشي هذا يا بابا قال الأب: والله ما نعرف. نطقت الأم وقالت: اسكت يا بني راك قلقت باباك. قال الأب: لا خليه ابنك يسقسي باه يتعلم
*¤ô§ô¤*
وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا السيد خمس دنانير وقالو: اعطيتي قهوة. فراح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة
*¤ô§ô¤*
هدا واحد يهجّي الهدرة بزاف في كل مرة يروح للقهوة ويقول للقهواجي: أعطيني ققققققـ.... ومايجي يقول قهوة يغلق مول المحل ويقولو ولي غدوة,ودايما تسرالو هكّا, وفي نهار قال لازم نبدا نوجّد الكلمة في الليل وكي نوصل الصباح نقولو, وفعلا بدا في الليل يقول: ققققققققـ... وفي الصباح مع وصل للقهوة قال: قهوة أعطيني, دار ليه القهواجي وقالو: انعم خويا؟؟
*¤ô§ô¤*
مشحاح طاحت دراهمه من التاقة. كي نزل ما لقاهاش. علاه؟؟؟؟ لأنه وصل قبلها.
*¤ô§ô¤*
معلم سأل طالب: السروال مفرد و لا مثني يا طفل. رد الطالب: "مفرد من فوق و مثني من تحت"
*¤ô§ô¤*
كان فيه وحد العجوزة دخلت للقهوة. قاتلو يا وليدي شحال كاس قهوة. قالها 10د
قاتلو وشحال تحسبو السكر...قاللها ياالحاجة السكر باطل. قاتلو امالا مدلي 2 كيل
*¤ô§ô¤*
وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر
*¤ô§ô¤*
واحد كان يتفرج في وحد الفيلم تع الماريكان
كي خلاص الفيلم بدات تطلع الكتيبة
جازت وحد الكتيبة فاتو قبل ما يقراها
طلع عند جارو الي يسكن فوقو وقاعد يسنى فيها توصل
*¤ô§ô¤*
واحد طلع في الكار وكان لا بس سباط تع 3000 الف
وحد العجوزة عفست عليه
قاللها الحاجة نحي رجليك راكي معفسة على 3000 الف
قاتلو: وين راهم. طاحولي ليا
*¤ô§ô¤*
قالك واحد زاد عندو ولد فيه شعرة واحدة في رأسه سماه محيرقة
*¤ô§ô¤*
مرة أستاد قال للتلميد: اعطيلي 3 حيوانات زاحفة قالو: حنش ، حلزون ، خويا الصغير
*¤ô§ô¤*
واحد عندو دراجة .كان في الطريق يرفع العجلة فاستوقفه شرطي واعطاه بروسي و كتب فيه محاولة طيران
*¤ô§ô¤*
قالو: يا عومار والله الدخلة اليوم باطل
(مجانا) قالو: آو واين؟, قالو: "في الحيط"
*¤ô§ô¤*
قالوا يا عومار صبحوا يهزوا فيهم قالوا: شكون؟؟ قالو:" الصاشيات تاع الزبالة" حاشاكم

مع تحياتي بسمة براءة