منتديات الشروق أونلاين - مطلوع سخون من الطاجين + عشا خفيف ...

منتديات الشروق أونلاين (http://montada.echoroukonline.com/index.php)

- المعجنات، الخبز و البيتزا (http://montada.echoroukonline.com/forumdisplay.php?f=292)

- - مطلوع سخون من الطاجين + عشا خفيف ... (http://montada.echoroukonline.com/showthread.php?t=259763)

مطلوع سخون من الطاجين + عشا خفيف ...

السلام عليكم ...
.
.
.
.
.
.
هذا مطلوعي ..
.
.
طريقة التحضير: (للاسف ما صورتش الخطوات) ..
.
.
--انا استعمل السميد وحده يكون لونه اصفر ماشي رطب ...
يعني كي تتحسيه بيديك يجيك حرش ششوية ركزي على شوية ...
السميد الاصفر حنا عادة هو اللي نفتلوا بيه الطعام .....
--نعبر بالغرفية يعني كل غرفية تصنعلي خبزة
--استعمل الخمارة تاع البودر الرقيقة ماشي (الغليظة تاع الميزان) نعبر بالملعقة تاع القهوة في كل ثلاث خبزات ندير مغرف وحدة لأني نتحسس ريحة الخمارة في الخبز
--نحط السميد في القصعة و نزيدلها الخمارة (تقدري تضيفي السانوج و حبة الحلاوة) نخلط مليح ثم نضيف الماء لازم يكون دافي يعني فاتر و لمي العجين ما تكثريش الماء ديري شوية شوية كي تلمي العجين
ادلكي ادلكي تحسي العجينة يابسة بصح ادلكي و ادلكي و ادلكي(ادلكي بكفك ) و هكذا بصح لازم تكوني خفيفة في الدليك على خاطر قادرة تتخمير في يدك و تضيع فايدة الدليك ثم ديري الماء شوية و ادلكي و شوية و عاودي ادلكي ثم
ضعي الملح في القصعة ديري عليه شوية ماء ثم حطي فيه العجينة و ادلكي لاخر مرة كي تحسي العجين شرب كل الماء هزي العجينة و ديري شوية فرينة في القصعة و حطي العجينة تسهلك عملية التقراص
قرصي الخبيزات على حساب العبر الاول اللي درتيه
ثم حلي بالوحدة استعملي اصابع يدك فقط و سمسلي بالفرينة
حطيها فوق الطرشونة او المنديل الخاص بالخبز و غطيها ثم ضعي الاخرة فوقها و هكذا .....
حطيها في مكان يكون دافي باش تطلع بالخف
.
.
.
.
.
اغسلي قصعتك و ديري فنجال قهوة ربعي راسك و قارعيلها تطلع .
.
.
.

كيفاش تعرفيها طلعت ؟؟؟
اذا شفتيها اتنفخت و لا شفتي حبات بيوضا من الفوق
سخني طاجينك و حطي خبزتك و عسيها و قلبيها .....
الكويزينيار تكرّه في الطياب
حوشيها و حطيها في سلة الحبز و غطيها بالمنديل باش تبقى طرية
(اساس نجاح المطلوع نوعية السميد + الخمير + الطاجين اللي طيب فيه و درجة الحرارة .... لكن مطلوع طاجين الحديد ابدا ما يوصلش لمطلوع طاجين الطين عندوا بنة خاصة .... للاسف ممنوع عليّ هنا )
.
.
.
.
http://im40.gulfup.com/jku0g.jpg
.
.
.
.
.
.
http://im40.gulfup.com/rCnS0.jpg
.
.
.
.
.
.
http://im40.gulfup.com/SDeuk.jpg
.
.
.
.
.
.
http://im40.gulfup.com/jViRe.jpg
.
.
.
.
.
.
.
و هذا العشا ...
.
.
.
.
.
http://im40.gulfup.com/hqBK3.jpg
.
.
.
.
.
.
http://im40.gulfup.com/0wCRl.jpg
.
.
.
.
.
.
.
مع شوية سلطة و الحمد لله حنا تعشينا ...
.
.
.
.