منتديات الشروق أونلاين - قصيدة الجيفة ... رسالة غير مشفرة إلى المسؤولين في الجزائر

منتديات الشروق أونلاين (http://montada.echoroukonline.com/index.php)

- منتدى الشعر الملحون (http://montada.echoroukonline.com/forumdisplay.php?f=65)

قصيدة الجيفة ... رسالة غير مشفرة إلى المسؤولين في الجزائر

نبدى بإسم المنان

ديما يبقى عالي

وصلاة على النبي العدنان

عدد النجوم والليالي

وبعد ،هذا قولي ماهو

كيف لقوال يحكي على فبالي

أنا اللي تنفست دم

حتى قبل مايتحلوا عياني

كي كنت صغير كنت مولوع

بلعربي ذكرو شحال يحلالي

قالو بلاد بلاد ثوار

زينة او نجمة تلالي

ريحة ترابها كتر من النوار

محطوطة فالسما كي الهلالي

كي الربيع باهية لغصان

أو كي البسمة بين التلالي

طلعت راسي او حمدت الإله

يا ك انا دزيري في أقوالي وأفعالي

بلادي لونجة بنت السلطان

نسمة رقيقة تهز الجبالِ

يا ك انا وليد فاطمة

ومن عميروش ديت لخصالِ

أو كي كبرت ....أو كي كبرت

لقيت بلاد غارقة فلخز

والريحة واصلة للقطب العالي

بلادي عطاتني بالظهر

وقاتلي روح اخطي حالي

ماهكش وليدي أنا وليد بار

روح موت ولا شد الرحالِ

يايما ..يايما بعد هذا ترديني عاق

أو ترميني في وسط بركاني

يايما يايما ................

او كي كبرت

مالقيت لاالعربي ولا ديدوش

لا حسيبة ولاعميروش

لقيت غير الأنذالي

وزير عالي الشان

أو كلامو كلام ذراري

وجنرال قيس زوج أفيال

يشطح في نادي الصنوبر على البروالي

دولة شايبة مهزوزة لركان

سلطة غرقتنا فالبلاوي

صدق هداك اللي قالي

الله يرحم الهواري

يدموع حزينة نختم لبيات

ونبكي على حال بلادي