|
يا رواد منتدى النقاش الحر ... الله يرضى عليكم ..
السلام عليكم ...
. . . . مرارتي تفقعت من النقاش الحر ... . . . سبحان الله و ذوك اللي يقول كلمة نوقفولوا في الطريق ... يا سيدي رانا كبار و اللي فات على كلمة فات على روح ... كرهنا النقاش و النقاشات ... كرهنا عمارنا ... اللي ما تعجبوش كلمة يفوت عليها و يضرب النح ... و ذوكا نتعاندوا ولا كيفاش ... . . . . . . . عمرك لا تصيب موضوع في النقاش الحر يمشي ديراكت لازم الزيق زاق ... و كثرة الهدرة ما يؤدي الى الحذف و بالتالي اغلاق المواضيع ... . . . . . . . ============== . . اللي راه مع ابن فليس او غيره لوكان تعطيه اية تزكي بوتفليقة ماراحش يقبلها و العكس صحيح لذا نخلو كل انسان و رايوا هو حر فيه ... يعني تقعد مليار عام باش تقنعه يبدل رايه ما غاديش يبدله ... اللي بغا بوتفليقة هو حر و اللي بغا بن فليس حر و اللي بغا لويزة حر ... و اللي مابغى حتى واحد عمروا و كرهها هو حر ... لسنا بحاجة لدروس في الوطنية ... و المواطنة ... نحوسوا نشوفوا هذا الوطنية في الشارع ... في العالم الافتراضي رانا ماشي غير وطنيين رانا مجاهدين و النص راهم شهداء .... . . . . . رجاءا احترموا قوانين المتدى ما تخلوش الادارة تغلق النقاش الحر ... عجبا موضوع فيه 8 صفحات كلها بعيدة على الموضوع غير انت قلت و انا قلت و هو قال ... ما يعجبكش رد ما تردش ... حتى لو كنت المقصود بالكلام خليك انت الكبير . . . الله يرضى عليكم ... الله يرضى عليكم ... . . . . . ================== . . . الامر عام يتعلق بجميع مواضيع منتدى النقاش و ما موضوع الانتخابات (حب بوتفليقة و بن فليس ) سوى مثال .... . . . |
السلام عليكم شكرا على الموضوع الجميل ليست المشكلة في الاختلاف الرأي ولكن المشكلة في التواصل نتطلع لكل جديد مفيد أخوكم فتحي |
رد: يا رواد منتدى النقاش الحر ... الله يرضى عليكم ..
اقتباس:
ماش المشكل في لي يحب بوتفليقة ولي يبغي بن فليس وحتى الويزة ووووو كل هذ الناس يقدرو يتفاهمو فقط يحطو بين عيونهم ان الجزائر ممكن تمشي للفوضى والكل يرجع على رايو لاكن المشكل انو كاين مندسين وخونة ما يحبو لا بن فليس لا بوتفليقة لا حتى علي بلحاج وهمهم الوحيد يخربو البلاد ويشوشو على تفكير العباد يحبو يفرضو رايهم وانهم هم لي يعرفو يفكرو والله يعلم جنسهم ودينهم وانتمائهم لاي جهة |
رد: يا رواد منتدى النقاش الحر ... الله يرضى عليكم ..
اقتباس:
. . . والله يا الاخ القسنطيني كلامي عام ... . . رجاءا الكل يلتزم بقوانين المنتدى ... عيب كبير لما نكتب رد ثلاثة ارباعه شتم و سب ... تقدر توصل نفس الفكرة ياسلوب طيب .. موضوعي ... . . . |
رد: يا رواد منتدى النقاش الحر ... الله يرضى عليكم ..
رانا ملتزمين بصح انا رأي نقوله
ومن يزورون انتخابات ويقول هذا من عند الشعب حالهم كحال من قال الله عز وجل فيهم ***فَوَيْلٌ لِلَّذِينَ يَكْتُبُونَ الْكِتَابَ بِأَيْدِيهِمْ ثُمَّ يَقُولُونَ هَٰذَا مِنْ عِنْدِ اللَّهِ لِيَشْتَرُوا بِهِ ثَمَنًا قَلِيلًا ۖ فَوَيْلٌ لَهُمْ مِمَّا كَتَبَتْ أَيْدِيهِمْ وَوَيْلٌ لَهُمْ مِمَّا يَكْسِبُونَ *** |
رد: يا رواد منتدى النقاش الحر ... الله يرضى عليكم ..
اقتباس:
انا شتمت وقيل عني حمار وانا كنت اتحدث بكل لباقة وحسن نية وحب للجزائر ولكل الجزائرين دون استثناء والله حرت علاش هكذا انا كنت نعلق على موضوع وقلت انو كلنا خاوة جا تعليق يقول هذ كلام حمير وحمار لي قالو ؟؟؟؟؟؟؟؟؟؟؟؟؟؟؟ما رانيش سغير انا باش نشتم الناس ونطق الكلمات انا تعلمتو عام 1970 ماش يجي درك واحد يقول هذ كلام حمير |
رد: يا رواد منتدى النقاش الحر ... الله يرضى عليكم ..
اقتباس:
شكون شتمك انا ماشتمت حتى واحد انا قلت حكمة وماقصدت حتى واحد ونحن لانتحمل سوء فهم الاخرين |
رد: يا رواد منتدى النقاش الحر ... الله يرضى عليكم ..
للاسف المشكلة ان كل واحد يحسب رايه يعلو و لا يعلى عليه
|
رد: يا رواد منتدى النقاش الحر ... الله يرضى عليكم ..
اقتباس:
. . . يا الاخ القسنطيني ... كلامي عام والله عام ليس موجها لك ... بخصوص ما ذكرت لما يدخل مشرف القسم راح يتصرف ... ما عليش ساعف خوك ... اولا كلامه كان عام ما قصدكش انت بيه ... ثانيا حتى لو كان مقصو فهو موجه لصاحب الموضوع ... . . . و رانا قلنا اللي فات على كلمة فات على روح ... . . . و المناقشات في الافتراضي راهي تفسد اكثر مما تصلح لانها تشحن النفوس و تزيد الضغائن ... و الانسان في غنى عن هذه الامور ... . . |
رد: يا رواد منتدى النقاش الحر ... الله يرضى عليكم ..
انا وحدة من الناس نعامل كل شخص بما يستحق احترم نفسوا نحترموونحطو فوق راسي ما احترمش نفسو يلوم نفسو
|
| الساعة الآن 06:40 AM. |
Powered by vBulletin
قوانين المنتدى