|
نبدا باسم الرحمن
السلام عليكم و رحمة الله و بركاته
هذه قصيدة شعبية لاحدى عجائز الجزائر .و هي شاعرة متمكنة منذ الثورة التحريرية نبدا باسم الرحمن عظيم الشان......عالم باللي كان...انا عبدك و الطف بيه بفضلك يا مجيب .....ياعلام الغيوب ياغفار الذنوب اغفرلي ذنبي و امحيه ياربي يالطيف .....اغفرلي راني ضعيف بجاه النبي الشريف.....صلى الله عليه بفضلك ياوهاب....يافتاح الابواب رجعنا للصواب.....مولانا و نتوبو ليه بفضلك ياسايق المطر....الله يهدي البشر و ينزع من قلبو الشر....بجاه حبيبو نبيه بفضلك يارافع السما....الله يهدي الامة و يطرح بينها الرحمة....و ان شاء الله تنزل عليه ....................يتبع |
رد: نبدا باسم الرحمن
او من طبق الدين .......و من رضى الوالدين
ياسعدو في الدارين ......يريح هنا و لهيه و من اتقى لله.....و تمشى في رضاه ياسعدو مع مولاه .....غدوة ربي يجازيه ياللي ماصلى ماصام.....ياماكل رزق الايتام ياللي عايش في الاوهام......و المشرك بالله ناسيه و على ناكر المعروف ....خاين الامانة ملهوف يشهدبالزور بلا خوف....حسابو كي يروح لهيه و على مول النميمة.....مايربح مايريح ديما في الدنيا ماعندو قيمة.....و في الاخرة النار تقدي فيه ياماكل نتاع الناس ......ويلك من شر الوسواس عندك رقيب و عساس.......كلش يمركي فيه ياللي تدي في التراب....ياظالم من غير حساب ويلك من يوم الحساب......و انت ما تقدر عليه ياللي تنقص في الكيل.....غدوة يا ويلك بالويل يوم الميزان ثقيل......مقامك واش تلقى فيه ياللي تسرق في الميزان......و تحلف في الايمان ياللي تاذي في الجيران.......كلش ممركي في الزمان اعوذ بالله من الحاسد.....و اللي قلبو اسود عندو رقيب و شاهد.......لا يرقد و لا ينام .................يتبع |
رد: نبدا باسم الرحمن
كفت شاعرتنا و وفات..... وفي كل لمسايل فتات ربي يجازيها جنــــات.... . جوار حبابو ومحمد نبيه بوركت بنيتي على هذه التحفة تحياتي |
رد: نبدا باسم الرحمن
واصلي كتابة ما قالته الجدّة و الجدّات ففي كلامهن حكم و مواعظ
بارك الله فيك |
رد: نبدا باسم الرحمن
الله يحفظك عمو ابو اسامة على الرد المميز
و على فكرة الشاعرة من عندكم من بسكرة......و اشتهرت كثيرا بعد المباراة التاريخية بين مصر و الجزائر....حيث قالت قصيدة من اروع ما يكون .....و تطل احيانا بصوتها و قصائدها على البساكرة عبر اذاعة الزيبان |
رد: نبدا باسم الرحمن
اقتباس:
و انتظري الجزء الاخير من القصيدة و لم لا قصائد اخرى للشاعرة |
رد: نبدا باسم الرحمن
ياماشي في طريق الصح......ازهى باعمالك و افرح
ياابن ادم راك مروح......مهما طالوا الايام ياابن ادم وين المصير.....للحد البارد و البير ارجع لطريق الخير.......قبل مايفوت الاوان اللي يصلح مابين اماليه ......يصلحلوا مابين ايديه و من كل شر ياذيه .......و يبعد عليه الظلام و من طبق الدين و من ساعد مسكين......و صام الخميس و الاثنين ياسعدو في الدارين.....يغطيه بستر و سلام من دار الخير و نساه......و من عندو مال و زكاه من قام الليل و صلاه.....و من هز ايديه لمولاه هذا اخر كلام ....صلوا على زين الحزام هزوا ايديكم للمعروف ....و ربي يسمع و يشوف يمنعنا من شر الخوف.....و يبعدنا من المحال ........بجاه حبيبو الرسول |
رد: نبدا باسم الرحمن
اقتباس:
لعلها لا تشارك في العكاضيات والملتقيات الأدبية ولذلك لم أتشرف بمعرفتها أتمنى لها وافر الصحة وطول العمر وجزيل العطاء |
رد: نبدا باسم الرحمن
ما شاء الله استمتعت كثيراااا احب هذا النوع واصلي غاليتي
|
رد: نبدا باسم الرحمن
اقتباس:
ساحاول الحصول على المزيد من ابداعاتها |
| الساعة الآن 12:37 AM. |
Powered by vBulletin
قوانين المنتدى