|
دبليج زهيرو .......
زهيرو طفلة صغيرة وزينة بزاف ، سبحان من صور.
باباها رجل عندو في المجتمع كلمة وجاه و احترام في الحي وحتى فالمدينة وربي من خيرو عطاه الكثير ، وزهيرو من عندو حظات بحظوة ما حلمت بها في ذاك الوقت وحدة من قراناتها ولا حتى من اللي سبقوها للدنيا ، باباها شرالها من تجار الفرس دبليج يوسع ويضياق خلاها كالقمر في ليلة التمام ، تلبسه مع أحلى لباس من الحرير لمرصع وغيرو في الأعياد و الأفراح والليالي الملاح اللي يعقدها باباها من حين لحين . زهيرو عندها ثلاث خواتات وحدة اكبر منها ولخرين أصغر وحتى هوما خنتوها بكل نية صافية بلا حسد ولا غيرة. بدات تكبر زهيرو فالعمر وعند أهلها وبقية الناس بدا يكبر معاها مقامها و قدرها مع وجود الدبليج، حتى خذات بيه شهرة كبيرة بزاف ، واصبحو الناس إضربوا به لمثل حتى بداو إقولوا على الحاجة الجميلة والزينة : زين كي دبليج زهيرو، وهذا مواتيك كيما واتى الدبليج زهيرو ...و هكذا . ................................... يتبع ................................... |
رد: دبليج زهيرو .......
مشات ايام وجات إيام، وقطار الحياة يمشي
فالصغير أكبر و الشاب ولى كهل والكهل اصبح شيخ. طبعا هي سنة الحياة التي لابد على الواحد أن يمر بها ، وزهيرو هي وحدة من بني الإنسان و ركوب هذا القطار محتم عليها وملزم. الجبهة تكمشت ، و الكريشة خرجت ، والسنّين تسوسو ولاّ طاحو والشيب بدّل لون السالف الطويل .... ومع ذلك بقات زهيرو تشوف روحها كيما زمان شابة وصغيرة مولات الدبليج لمرصع بالياقوت والمرجان و الذهب والماس وكل غالي ونفيس ، أو ربما حابة تشوف روحها وي إيشوفوها الناس هكذا . المهم قل زهيرو مولات الدبليج وخذ من زهيرو ما تريد ، قول زهيرو مولات الدبليج و نحّي من هذا الدبليج يقوتة أو مرجانة أو لويزة أو ماسة ودخلها في جيبك و روح لدارك أعطيها لمرتك ولاّ بيعها و وكّل بدراهمها أولادك والمرجانة ولاّ الياقوتة و لاّ اللويزة اللي تنحات فالليل تلصق في مكانها وحدة أخرى، فالخير كثير والصندوق عامر و الحمد لله؛ المهم ابقى تمدح في دبليج زهيرو وفي مولاته زهيرو حتى وهي اليوم على الكرسي تتحرك. هاذي قصة النظام الجزائري عفوا إمرأة إسمها زهيرو و مكافحة الإرهاب عفوا مرة أخرى و دبليجها . ولكل واحد منكم تفاحة والحسّاد يبقى هكذاك . |
رد: دبليج زهيرو .......
السلام عليكم متابعة
عن قرب |
رد: دبليج زهيرو .......
روعة
صدقت اجدت الوصف بطريقة رائعة |
رد: دبليج زهيرو .......
اقتباس:
على القراءة و التعليق ، دمت على وفاء و ألق. |
رد: دبليج زهيرو .......
اقتباس:
سعدت بمرورك ، وتحية بمقامك تليق. |
رد: دبليج زهيرو .......
.. من ابعد البحور اتيت إليك ..
.. فحروفك تخاطبني من ابعد ستواطي الرحيل .. .. تجدبني لها.. .. ترسم امامي خارطه الطريق إلى النور.. .. لاهدي بها.. .. فكم اشتاق لقراءة هذه الهمسات الاكثر من رائعه.. .. دمت لنا اخي العزيز.. .. ودام لنا بوحك الراقي .. دمعة مرت من هنا |
رد: دبليج زهيرو .......
اقتباس:
حروفي في كل مرة قادرة على اجتذابك . دمت وفية وعلى ألق. |
| الساعة الآن 11:50 AM. |
Powered by vBulletin
قوانين المنتدى