منتديات الشروق أونلاين - ادخل ناحيلك على خاطرك مع سعدى وبوجمعة

منتديات الشروق أونلاين (http://montada.echoroukonline.com/index.php)

- منتدى القصة القصيرة (http://montada.echoroukonline.com/forumdisplay.php?f=63)

- - ادخل ناحيلك على خاطرك مع سعدى وبوجمعة (http://montada.echoroukonline.com/showthread.php?t=269612)

ادخل ناحيلك على خاطرك مع سعدى وبوجمعة

http://im13.gulfup.com/2012-08-02/1343905046421.bmp
-تعرف ياسي بوجمعة بريطانيا تطبع 200الف
-نطبعو كثر منهم ياسي سعدى احنا نطبعو على اقل 20 مليون
-واش تطبع عشرين مليون انت
-الدلاع
-انا رانى على الكتوب ماشي على دلاع
-علاش الكتوب يطبعوهم كى دلاع اول مرة نسمع بيها هذى
-يطبعوهم يعنى ينسخوهم من مطبعة للورق
-هذوين فهمت يكون كى كاغط نتاع زيادة ومبعد يلصقوهم في كراس يولى كتاب
- على هذيك هربو علينا الاوربين وخلاونا حابسين في بلاصتنا
-عندك الحق بصح احنا رانا حابسين وهما هربو علينا وكورة الارضية دائرية علاش جامى كنا قاعدين وجازو علينا يجرو واحنا نكملو معاهم
-سؤالك في محلو يابوجمعة خلانى موسوس من دائرية الارض لو كان دائرية راهم لحقونا وكملنا معاهم
-تبقي مستغرب والله حاجة تحبس العقل
-نعطيك حاجة تحبسلك راسك كثر من كروية الارض
-واش هى
-الكتوب يتباعو بالمتر
-وين هذى
-في دزاير شفتهم في معرض الكتاب يجيبو مترا ويقيس ويقولو اعطينى 75 سنتيم كتوب
-همالا احنا نطبعو بالكيلومتر ماشي كيى هوما بالكتاب على هذيك مايديروناش في احصائيات نتاعهم
-يمكن بصح الحاجة لى مستغربلها علاش يشرو بالسنتيم
-يمكن الفراش تكسرلو كراعو وحبو يحطو بلاصة كراعو كتوب
-اه يمكن
-ولا بيبوتيك خصوها 75 سنتيم كتوب شراهملها
-ماشكيتش انا بانتلي الفراش تكسر كراعو
-ايا ابقي على خير نروح نقيس لا طونسيون