منتديات الشروق أونلاين - قصيدة **محاورة وردة**

*************محاورة وردة***********

البارح قابلت عيني وردة*** تتلطم ملريح تشالي بميول
صافع خدودها يهب بشدة*** تناثر ورقها قسمو علطول
قلتلها جيتك سايل ياوردة*** كانش فيلغزك نلقى حلول
اناراه قلبي منكيدكم صدا*** وعدت شغل العبد المثمول
تنكرو الحب وتنساو المودة*** تخلو حتلقلب عاثر مختول
تبخلو بريحانكم عنا جحدة *** وليطلب ريحكم تسموه مهبول
قوليلي وعلاه ورقك ندا *** وعلاه جسدك فيحالو مبلول
غير البارح ناصعة فيجدة*** واليوم ورقك ناكس مذبول
قالت اناكنت فيشاو المبدا*** فيطفحة عايشة ايامي بلاهول
حتجا لترعتي وايام معدة *** صاحبني تراس وطنو مجهول
ياتيني زاير دايرلي عهدة*** يتلطف بكلامو يحسن فيلقول
حسبتو مولا خير ومودة *** اعطيتو عطري ويداه مجمول
كلصباح شانق منو بشدة*** وفيلمسا يضرب عضدي برجول
ضنيتو متبدي عنورقي يتعدا***ماهو ش نيفي ولاتراس قبول
فيمهانة خلا عضادي تردا *** زنجرت اوراقي صدات طول
مارحم عطشي فيبر الكودة*** ماقال ذا ولفي عزة ومثول
نسقي عروق صافية البلدة*** خيرها سابق علامدار الحول
عشرت فيترعتها ضالي مدة*** وكانت ونيستي فيمحنة معلول
مليكان هالك ضايق فيشدة*** مانخس ولايوم حواط يجول
واليوم كيتعافى منذاك الدا*** ولايتنكر يعقب قدامي مشغول
الا سالوه عني يتبدا يامردا*** معدن هذالوقت فيسع يحول
بعثت شوارو خطار بلعدة*** ياضيمي عييت قداه نمرسول
البارح فاض وادي لسندة *** ومسخ جيراني ماترك سبول
وبقيت علاذي الحالة فيوحدة***نبكي لاصحة ماطقت لحمول
طاحت الدمعة منعينيا رمدة*** فيحالتها متحير باقي مذهول
حينعرفت همومها قلبي هدا*** منهم الغير ياك همك يزول
الله يهدي من قصدها وتعدا*** لوصايب نقطعو بسيف المسلول
وليجرح برعمها يجرح ولابد *** ويعزل منخلاها فيلبر المعزول
وجميل السماح يازينة الثمدة***ربي يزين احوالنا بجاه الرسول
وبجاه جميع اصحابو السادة*** وبجاه كل الانبيا وبجاه المنزول

.......... اهدي هذهالكلمات للاديب والصديق علي قوادري والاخت خليلة دون ان ننسى كل اعضاء المنتدى والمشرفين عليه....وشكرا