رسالة تفقد الاديب علي قوادري
 

*****************رسالة تفقدية**************

عقلي طار ونسال في الخطار*** عياني ذالخاطر عاد ليا ينوض
بيا صديق منمدة غاب علالنضار***ادرق حسو حالي منو ملظوظ
الشيخ علي تقطعت عنو لخبار***شكيتو متنوي راه مني مقيوض
مارنا في العبد لاعيب ولاعار ***واه الواحد فيحبابو ماهو محظوظ
اليوم نخس كي جملت لطيار*** ماعرفتو زهفة ولا فيوعر مقبوض
ماهوش يسال عايف قاع الدار*** يتملص فيملقاي انا ضنيتو محروض
كيدارت ليام ولى خاطرو عزبار*** والعضد ليكان من تنكارو مقروض
هب الخاطر فيجوفي قدحت نار***ذالحبيب ياناس في نومي يهوض
مزيلف حالي مرمي في سبيطار***عاد جسدي ليوم علطبة معروض
قالو ذا المسكين تقواتلو لضرار *** وانا نشوف بلعين مانقدرش ننوض
وليكان هو طبيبي يعطيني عقار***يشفيلي ضر فيدو راني مقبوض
اليوم ذهبت جرتو ردمها القبار *** موالف الفج يوصلني لكبير الحوض
واشندير مجردها لي ذاك القدار*** ومنبكري ذاشيء فيخلايقو ملحوظ
استغفر الله ياشيخ مانيش معار*** جيتك بجاه المرتل فيلوح محفوظ
ياك الدنيا ياصاحبي ليلة ونهار *** والمحبة راها قلوب امامين وحظوظ

كلمات مهداة لكل اعضاء المنتدى دون نسيان كالعادة الاديب علي قوادري واختي خليلة....وشكرا

رد: رسالة تفقد الاديب علي قوادري
 

رد: رسالة تفقد الاديب علي قوادري
 

شكرا صوفيا افهمك بارك الله فيك

رد: رسالة تفقد الاديب علي قوادري
 

رد: رسالة تفقد الاديب علي قوادري
 

نعرفو منبكري فارس قهقار *** مولا نيف ينعر على المقيوض
مايتبدا وانا درتو عني دبار *** ربي يجازيه ذا كبير الحوض
شكرا ياشاعرنا زين التعبار ***ابو اسامة جاد بحسن الملفوظ

رد: رسالة تفقد الاديب علي قوادري
 

شكرا لكما الشاعران القديران بوبكر وعبد الوهاب..
محبتي التي تعرفان..

رد: رسالة تفقد الاديب علي قوادري
 

العفو ياسيدي المحترم ادام الله حسنك ومكارم اخلاقك
بارك الله فيك