**ياحصراه**
 

*********ياحصراه*************

ياحصراه علاوقت السداية

.............الخلالة المشط والقرداش

والحنانة تفارص غناية

...........وانا حذاها نتلاطم دركاش

ازرابي مقلوعين غاية

............وقشاشيب الوبري كيفاش

تنوض على النجمة الضواية

............القهوة فيلكانون ماتبطاش

مسربية في فناجيل غاية

..........وعرف الشيح لابد ماتنساش

تقدملو فيلبرنوس واللحفاية

.........تخافو لاينوض ومايلقاهاش

قايمة بلبيت دايرتلو عناية

.........محرمة ولو ملعين ماتراهاش

وفيغيبو محال تعمل اذاية

........ماتعطي اسمها لوتعمل قداش

ماتدير قصة ماتعري قطاية

........ماتلبس مكشوف ولاسبق رماش

وهذاجيل المشطة والمرايا

.......جيل الماكياج الحطة والتقلاش

وهذا الوقت كثرت اللهاية

.......لاطياب خبز ولاتخمال فراش

التفراج طول الوقت ياداية

......افلام الترك ياسر ماتحصيهاش

ويخاف منها مثل المنايا

......قاكلمتها تمشي فيها مايشركهاش

كيتوخر تقولو وينكنت انتايا

......ملخلعة يطيح بلريحة مايصحاش

ويولي يبكي والعين سرباية

.....يحبلها فيركبتها ذاكشي ماترضاش

كاين ليعندو مرا حكاية

.....الزين والخصايل وطبايع ماتعيفهاش

وكاين ليمرتو مثل الحرباية

.....شينة الخيال وصفات مثل البوكشاش

ابوياتنا بكري خلاو وصاية

العزلة المطرفة ماتحرثهاش

رد: **ياحصراه**
 

هذه افضل الكتابات بالنسبة لي فهي سهلة مفهومة وعميقة المعاني بحق وكانها رثاء لزمن ماض وحاضر غائب
ابدعت

رد: **ياحصراه**
 

رد: **ياحصراه**
 

هههه صوفيا انا انتظر ....واي كانت فهي ستعجبني
لانها دونت باحاسيس صادقة بارك الله فيك الاخت صوفيا

رد: **ياحصراه**
 

لاتقولي ماسبق لم يعجبك هههه حين تفهمين الملحون جيدا
ياوردة سيكون كل شيء سهل عليك حينها
هذه كتبتها منذ مدة وكانت ارتجالية فقط...فاحببت ان اقرئكم اياها..
.....شكرا جزيلا الاخت وردة يعجبني اصرارك...

رد: **ياحصراه**
 

ما سبق اعجبني لكن ليس كعفوية هذه
ماسبق لا ادري بدا كان الوزن مدروس مع اني لا اعرف ماهو
وفي هذه بدت وكانها نفحات ولم تتكلف فيها
مجرد راي يعني لاهو راي خبير ولا فهيم

رد: **ياحصراه**
 

هههههههه يعطيك الصحة وردة ...فعلا لم اعاني معها على غير القصائد الاخرى....
لكنني مع ذلك اراك خبيرة ...شكرا