على شاطئ البحر
على شاطئ البحر قعدت على شاطئ البحر وحيد نتفرج على مواجيه،موجة رايحة و جاية و الناس زاهية فرحانة. حطيت يدي على خدي و ماقدرت نشوف الناس لقدامي غمضت عيني و بديت نحن للماضي. حبيبتي لكانت الأولى لجات في تخمامي،خيالي هرب و هاجر عني وراح يحوس و يجول معاها في الماضي. بديت نتفكر و نتذكر ما فوتناه في إتنين، يمات لكنا في الحب تايهين،يمات السعادة و الهناء. تفكرت كلامها لعمري ما نسيتو،أشتقت للحظاتها و نضراتها.رحت نلوم في روحي و نتحسر كل شيء تهدم و تحطم كل شيء عاد من الأحلام. اليوم قاعد وحدي على شاطئ البحر نمشي و ماهي بجنبي و مالقيت لمن نحكي و نشتكي. بديت نسول في روحي : وين مشات اليوم؟وين راهي اليوم؟واش حوالها؟ ولا هانية و فرحانة؟ ولا نساتني؟؟؟ مشى الوقت و الشمس غربت و النجوم و القمر طلت ولقيت روحي وحيد في مكاني،نهضت من بلاصتي و مسحت الدمعة من خدي و محيت ما كتبتو في الرمل بيدي. عاهدت نفسي ما نتذكر الناسي لنكر حساني،ما نفرح لبكاني و تسلى بحالي و ما نحن لخدعني و مشى لغيري. اليوم لابد نمشي و نبحث عن شريكة حياتي لي عنها تنسيني و تفرحني و تريح للأبد بجنبي. بقلمي : بورقى بشير |
الساعة الآن 07:09 AM. |
Powered by vBulletin
قوانين المنتدى