منتديات الشروق أونلاين - صباح الخير يازنينة

صباح الخير يازنينه

صباح لخير يا بر ازنينه=بر الصلاح ولوليا ديما
أهل المعروف قهوة وروينه=من بكري شايعة واقديما
من عهد الرمان كانت مْدينه=سكنوها بربر وقبايل عظيما
جمعت الغاشي نعت أمْ حْنينه=خيوة ما تفرقهم حتى نميما
واحد ما يرفد فلْقلب ضْغينه=تجمعهم ضحكا وعرضتْ وليما
فكَّاكين المضيوم سلاكين الشينه=فراحين بالضيف زدلهم ذ لْسيما
سبع عروش قا قربوا لينا=كل عرش فيه الرجلة ولْقيما
وطني بر الكرما و الصالحينا=عقدو اصحيح وامتين ديما
حبو ملكنا قاع و مادّينا = ماهوش حب سعاد و فاطيما
رضعناه من السي ومْروّينا= حب زنينا حبابي ماهو جريما
الشوايف الزريقات المطاريح غربينا=كيما الشعب والخضرة وكيما
هوَّدْ من لمْصيف لبن يمينا=زيد اطلع للحارة والسينيما
قبَّل لضاية مسعودة زيد بينا=كاف الباز سردون في تهويما
وسلَّم على السجرة والطينه=على الحجرة الدشرة ولبهيما
نختم بالصلاة عليك يا نبينا=ولد آمنة والمرضعا حليما
طه خاتم لنبيا هو هادينا= نصلي ونسلم عليه تسليما
علي هو لسم اذا تسقسينا=قوادري نكوة معروفه فيلعصيما
جبت القول نفخر با لزينه=زنينا حبي وفرحي ولمّيما

ــــــــــــــــــــــــــــــــــــــــــــــــــ ــــــــــــــــــــــــــــــــ
زنينة هو الاسم القديم للادريسية