منتديات الشروق أونلاين - راني غادي ...............

منتديات الشروق أونلاين (http://montada.echoroukonline.com/index.php)

- منتدى الشعر الملحون (http://montada.echoroukonline.com/forumdisplay.php?f=65)

- - راني غادي ............... (http://montada.echoroukonline.com/showthread.php?t=295563)

راني غادي ...............

راني غادي شوار هاديك الكعبة
طالب من الله الرضى والغفران
***
باقـــي فيَّ عيب دنيـــــــا قــــلابة
فيها وفيــــها ولا اديــروا ليها شان
***
لَمْــرَا عـــــــادت لا اخْمَار لا حِجَابة
والرّجالة لا اعبـــاية لا شيشـــــان
***
تلقاهم متجمعين كي العصـــــابة
ولا فيهم من جــــــاب آية من قرآن
***
ما فيهم قُــــــــرّاء خرجوا كَتّــــابة
ولا فيهم صِيام صاموا في رمضان
***
هاد الدنيـا خلاص عادت كي غابة
كل اقبيلة قـــــادية فيها نيـــــران
***
تلقى اللي مغلوب طايح في عتبة
وجاوروا زاهي غير لعنب والــرمان
***
وتلقـى اللي معطوب ما خلاَّ طلبة
حــــاير فَيَّــامو من افـــــلان لَفْلان
***
وين أيام زمان أوّين زين الصّحْبــة
وين الخلـفاء أوّين النبي العــدنان
***
كي كانوا الجيران محسوبين قربة
وكي كانوا الايام داك الوقت ابنان
***
راني خـــــايف لا انعَجّل بالغَصْبة
إيرَدْمُونِي واتْصِير تَــاليتي كــتَّان
***
خلوني نمشي انزور ديك الكعبة
نمحي ذنبي لاغنا نمشي فرحان
***
*
*
*
بقلمي : Moulay tam