منتديات الشروق أونلاين

gateaux بحلوة الترك والله اكثر من رائع و يصلح لكل المناسبات و الاعياد
المقادير و الطريقو و الشرح يمين الصور اوكي من فوق ما خبيت عليكم والو ان شاء الله يعجبكو و ديروه وتنجحو فيه المهم الوصفة سهلة
تخلطي250غ زبدة مع3/4كاس سكر صغيييير مع نفس الكاس حلوة الترك مع ملعقة فانيلا تخطيهم هليييييييح
تزيدي وحده خميرة و الفرينة حتى تتلم العجينة كيما تع السابلي اوكي
شكليها ه طيبيها اذا ما عندكش هاداك الطابع ديري بالبوشون تع القرعة الصغيرة تع شامبوا سانسيلك طبعا اغسليه مليييييح
طيبيه180درجة كي يكون يطيب وجدي الكريمة
250غ زبدة مع كمية من حلوة الترك انا والله ما كيلت المهم ما تكثريش باش ما تجيكش حلوة بزاف ضربيها مليييح بالباتور اومبعد زيديلها 2مغارف كبار زيت حتى تولي بيضاء و خفيفة حطيها على جنب
في كسونة ديري كاس عسل يكون خفيف شوية كيما اللي نديروه فالبقلاوة بعني زيديلو شوية ما الزهر اوكي و نص باطة معجون و حلوة الترك و ديريهم فوق النار يسخنو اومبعد ميكسيهم بالمكسور اوكي باش حلوه الترك تذوب اوكي
لصقي الحلوة حبة فوق حبة بالكريمة تع الزبدة اومبعد غطسيهم فالخليط تع العسل والمعجون و حلوه الترك و قطريهم مليييييييح اومبعد رمديهم فالكاوكاو مقلي و مرحي و مغربل اوكي نحيلو هاداك الارطب اوكي
كي تكملي ترمديهم زيدي ديكوريهم من فوق بالشكلاطة ديريzigzag
وبالصحة و الهناء
للافادة فقط انا شربت حلوة الترك تع الميزان حق100دج درت كاس فالعجينة و الباقي قسمتو بالتساوي بين الكريمة و بين الخليط اللي غطست فبه الحبات
ممكن ترمديهم في اي نوع مكسرات تحبوه ولا تخلطيلو مكسرات
هادا ماكان ان شاء الله قدرت نفيدكم
منقوووووووووووووووووووووووووول