منتديات الشروق أونلاين - قصيدة..للشاعر الشيخ عبد القادر بالوهراني رحمه الله عاش في القرن التاسع عشر . م. سبحان الله

في وسط اهلي وصرت بينهم مثل البراني ****ويح القليل يا سيادي من ينتسب ليه
اتافقوا كاملين واحد منهم ما جاني ****قالوا هذا عديم يطمع في اللي يعطيه
الطمعة في الكريم ما شي في العبد الفاني ****يرزقنا خالق العباد لا غيريه
رزقي و اجلي في يد الله الفقاني ****خلوا من قال شئ كلام الله يكافيه
سبحان الله من طبايع ولد الانسان**** يغدر في الحين بعد حين غير اخطيه
كللي ما كنت في الشاور **** و الناس مجمعة معايا
عودي في الشان كان يهمر **** يسري بين الفجوج بيا
و انا اذا بغيت نامر **** من يعصي تلزمو خطية
واليوم راني صرت باير **** ما تسوى قيمتي اوقية
و الدنيا من قبيل تغدر **** ما دارتشي الا عليا
هذا ما اعطاني الاله لا غيره ثاني **** و اللي مكتوب في الجبين لازم نعديه
اشحال من كان في المعالي ورجع سفلاني **** من بعد السلطنة دارت الايام عليه
واذا يبغي الجليل يعفو من بعد بلاني **** قادر يشفي العليل بعد الظر يعافيه
يذهب عني البلاء و نقول الله عكطاني **** و نولي كي زمان من يقصدني نكافيه
سبحان الله من طبايع ولد الانسان **** يغدر في الحين بعد حين غير اخطيه
في ما اعطا خالقي نكابر **** نحمده الصبح و العشية
حكم الله هاكذا مقدر **** مكتوبو جابني هنايا
كيفي كالناس جيت نعشر **** هذا الوطن الا اخفية
ما جيت لحد باش نجفر **** هارب مني بغير سية
ما درت في الغير باطل لحباب جفاوني **** انساو محبتي وقالو من سال عليه
الناس اتبع المرفه والو نصراني **** اعطيه المال باش يعرفوه اللي ليه
الكلمة الفايزة و المنزل الفوقاني **** اللي قليل ذاك دايم يقبض يديه
ما يسال عليه حد حتى خوه الحقاني **** يهرب منو يخاف فقرو يولي يعديه
يجري و يقول ذ المدعوي اللي يلقاني **** يبغي ما يشوفو ما ينتسب ليه
فرج يا خالقي على المغبون الفاني **** وعطيه المال باش يعرفوه اللي ليه
اللي ساغ الكلام عبد القادر بالوهرني **** من بعد غلاه طاح سومو لا من يحميه
سبحان الله من طبايع ولد الانسان **** يغدر في الحين بعد حين غير اخطيه
تمت وبالخير عمت..ارجو ان اكون قد وفقت
في نقلها . والله اعلم بالصواب..محمد سعيد ريال .