|
نحكيليك يا بنتي رابع حكاية ( عشبة خضار )
السلام عليكم ورحمة الله http://up.harajgulf.com/do.php?img=94237صح فطوركم يا آل الشروق الكرام.. هدي يا سامعين حكاية "عشبة خضار" ... ان شاء الله تعجبكم كان يا مكان يا قديم الزمان يا سعد يا كرام،يا مستمعين لكلام نصليو على خير الانام. بنت آية في الجمال اسمها "عشبة خضار" عندها شهر طويل ، كي القمر ... ماشاء الله... والارض الي تمشي فيها تولي خضرة... الله يبارك ويكثر فيها الرزق ... عندها باباها يحبها بزاف ويعزها مي زوجة ابيها تغِير منها وديما تحوس تتهنا منها، ... •ღ•ღ•ღ وحد المرة العايلة خرجت للغابة ،وهديك المراة صابت راعي وسقساتو على مكان السدرة " نبات شوكي " .. ومبعد طلبت من "عشبة خضار" تجي معاها باه يلعبو و دات عشبة خضار في هذاك المكان، وبقات تدير روحها تلعب معاها... ومبعد لصقتلها شعرها في الشوك بلا ما تفيق ...، ورجعت من طريق لي جات منها ،.. وكذبت على زوجها بانو عشبة خضار راحت وحدها وبرضايتها ومالقاتهاش... وهو بقا يحوس عليها في كل مكان مي مالقاهاش... وملي راحت جا الجفاف للمدينة و ماصبتش الامطار... •ღ•ღ•ღ وعشبة خضار بقا شعرها عالق في الشوك ماتقدرش تتحرك من مكانها المسكينة... ماكان في يدها غي تطلب من الحيوانات لي في الغابة يساعدوها فات وحد الطير.. طلبت منو يعاونها... فك شوي من شعرها ومبعد اعتذر وقاللها لازم نروح ولادي يتسناو فيا....وشعرها مازالو عالق في الشوك... ومبعد فات غراب... قاتلو لازم تعاونني باه نخرج من هذي السدرة ونرجع لدارنا...مي ماحبش يساعدها، ايا رجع لونو اسود... الناس كامل تتشاءم منو... ومبعد فاتت البومة ماحبتش تعاونها ..ملا. رجعو الناس مايحبوهاش كيما زمان.. وصوتها مزعج بالنسبة للسامع.. ومبعد فات اللقلق قاتلو ساعدني...وهو تاني ماحبش... ملا دعات عليه عشبة خضار دعوة وقالت :" الحاذق ما يصيدك والجايح يروح معاك طول " ورجع ماعندوش فايدة مايصدوهش الناس وفي الاخير جات الارنوبة ...ومين طلبت منها تساعدها .. بقات تحاول تفك شعرها من السدرة بسنانها ... ومبعد قاتلها عشبة خضار:"رايح نديرك كورة بين الدكورة" ، ومبعد فكت روحها من الشوك ... وشكرتها لانها عاونتها فاتو عوام وسنين وكبرت عشبة خضار، ومبعد خممت تروح تشوف باباها مي كانت خايفة من مرتو، .. تلاقات بعجوزة معروفة تما في المدينة وين كانت تسكن عشبة خضار، وحكاتلها قصتها من الالف للياء... ووعدتها انو تديها لدارهم... ومين وصلت للمكان لي عاشت فيه طفولتها بدات الامطار تصب، وخيرات ربي... الله يبارك ورجعت لباباها وعاشوا في سعادة وهناء :13: انتهت القصة .. :10::10: |
رد: نحكيليك يا بنتي رابع حكاية •ღ عشبة خضار •ღ
ماشاء الله تبارك الرحمن... قصة جميلة جدااا يا فاطمة ......
|
رد: نحكيليك يا بنتي رابع حكاية •ღ عشبة خضار •ღ
السلام عليكم
صح فطوركم الله يبارك قصة هاايلة اعطيك الصحة غاليتي اسلوب جميل في السرد. |
رد: نحكيليك يا بنتي رابع حكاية •ღ عشبة خضار •ღ
من نهار خرجت عشبة خضار ما صبت امطار ما درت ناقة على حوار هكا قالت نانا
حكاية نموت عليها بطلتها عشبة خضار بصح الحيثيات تختلف جدا جدا رح نحكيهالك في يوم ما فطوم الغالية روعة فرحتيني حكاية هايلة |
رد: نحكيليك يا بنتي رابع حكاية •ღ عشبة خضار •ღ
السَّلامُ علَــــيكُم الله يباررك ماشاء الله أختي غاية( لا أعرف اسسمك دوما اناديك بغاية ) بارك الله فيـــــــك على هذه القصة الجميلة ، أعجبتني كثيرا خاصة في تعاون الحيوانات وكفاه تحولو هههههههه الله يحفظك السَّلامُ علَــــيكُم أسْتَغْفِرُ الله وأتُوبُ اليْه أسْتَغْفِرُ الله وأتُوبُ اليْه |
رد: نحكيليك يا بنتي رابع حكاية •ღ عشبة خضار •ღ
اقتباس:
اهلا اهلا يا طيوبة... يبارك فيك حبوبتي الاجمل مرورك وردك الاكثر من رائع:13: اقتباس:
الله يسامك حبوبتي صح فطورك نتي تاني ههه والله حشميني :10: شكرا على مرورك العطر حبيبتي:13: اقتباس:
اهلا غاليتي ايه الحكاية تختلف من منطقة لاخرى مممم شوقتيني نسمع القصة تاعكم...:5: ان شاء الله نسمعوها عن قريب شكرا لمرورك الجميل فلولاك لما سردنا هذه الحكايات:13: تحياتي اقتباس:
اهلا بكِ غاليتي، على فكرة اسمي هو فاطمة :20: ربي يحفظك حبيبتي شكرا على مرورك الذي زاد القصة جمالا:13: |
رد: نحكيليك يا بنتي رابع حكاية •ღ عشبة خضار •ღ
فرحتيني يا فاطمة الغالية
والله فرحتيني بحكايتك |
رد: نحكيليك يا بنتي رابع حكاية •ღ عشبة خضار •ღ
ربي يدوم افراحك يا حبوبة
بارك الله فيك |
رد: نحكيليك يا بنتي رابع حكاية •ღ عشبة خضار •ღ
يعطيك الصحة يا فطوم
انت تشبهي عشبة خضار و خيراتك كثيرة فالمنتدى الله يبارك ربي يحفظك اخيتي |
رد: نحكيليك يا بنتي رابع حكاية •ღ عشبة خضار •ღ
اقتباس:
يا اهلا بالغالية :13: :10::10: يعني الى هدي الدرجة ..والله حشمتيني يا طاطا *** شكرا على مرورك العطر الذي فوَّح المتصفح بعطر جميل وكل من مرت من هنا :13: |
| الساعة الآن 11:54 PM. |
Powered by vBulletin
قوانين المنتدى