منتديات الشروق أونلاين - فَرِيدَة**//بقلمي

يَا اللّي زِينَكْ زِينْ فْرِيدْ *** يا عْلاَجْ الخَاطَرْ يَا طُبْ عَلَّتِي فَرِيدَة
أرْفْقِي يَا أمُّ حَاجَبْ سٌودْ *
يَوْمْ ْ وِصَالَكْ عَندِي عِيدْ *** إذا اوْفَا مُنَايَا نَلْقَاكْ في اوْقَاتْ سْعِيدَة
نْقِيمْ فُرْجَة بَرْبَابْ وْعُودْ *
وْ مَنْ يَحْسَدْنَا يْكُونْ بْعِيدْ *** وَ تْكُونْ قَعْدَتْناَ في خَلْوَة علىى العُيُونْ بْعِيدَة
لاَ رْقيبْ لا وَشِي مُوجُودْ
شَرْبْنَا طَيِّبْ حْلألْ لْذِيذْ *** والفَوَاكَهْ من كُلْ نْوَاعْ ايْزَيْنُوالمَئِيدَة
وَ الشُمُوعْ مشْعُولِينْ شْهُودْ *
لا رْقيبْ ولاَ حَسُودْ جْحِيدْ *** غِيرْ حَسْ المُقْنِينْ بَهْيَاجتُو فَالتَّغْرِيدَة
و عْبِيقْ َ نَسِيمْ الوُرُودْ *
يَا اللِّي زِينَكْ زِينْ فْرِيدْ *** يَا عْللَاجْ الخَاطَرْ يا طُبْ عَلْتِي فَرِيدَة
ارْفَقِي يا امُ حَاجَبْ سُودْ *
وَ انا في وَصْفَكْ نَمْدَحْ وَنْزِيدْ*** اعْطَاكْ رَبِي خْصَالْ مْخَالفَة وْعْدِيدَة
بْهَاكْ يَبْهَرْ مَالُوشْ حْدُودْ*
وَاشْ نَحْكِي وآ شْ نْعِيدْ *** وَالُو انْئالّفْ في وَصْفْ بْهاكْ الفِين قْصِيدَة
يَبْقَىى وصْفي قْلِيلْ و مَحْدودْ *
السُّوَالَفْ سُودَانْ عْبِيدْ *** حْرِيرْ وتُخَبَّلْ فِيهْ رْيَاحْ زَادْلِي تَنْكِيدَة
طَاحْ فُوقْ الّصّدْرْ المَرْفُودْ *
نَحْمَلْ الدّقَة بَحْدِيدْ *** وَ إلاّ طَعْنَةْ لَنصَالْ مَاضِيَة وشْدِيدَة
أحَنْ من نَضْرَتْها بَثْمُودْ*

يَا اللِّي زِينَكْ زِينْ فْرِيدْ *** يا عْلَاجْ الخَاطَرْ يا طُبْ ععلّْتي فَرِيدَة
أرْفَقِي يا امُّ حَاجَبْ سُودْ *
سْهَامْ شْفَارَكْ تَرْمِي لَبْعِيدْ *** وَ الخَزْرَة من لَحْظكْ تْلُوحْ جْمأرْ صْهِيدَة
من صَدَفْهُمْ يمْشِي مَهْدُودْ *
آشْ اعْمَالِي و آشْ إيفِيدْ *** رَانِي نصَادَفْ في كُلْ انْهَارْ كِيَاتْ جْدِيدَة
مْكَبْلَتْنِي من غِيرْ قُيودْ *
وَقَلْبْ وَلْفِي قَاسِي وَ حْقِيدْ *** لا رْسُولْ وَلا خْبَرْ جَانِي هَذِي شْهُورْ عْدِيدَة
و انا نَرَاجِي فِيهَا اتْعُودْ *
أقَسَحْ من حَجْرْ الجَمِّيدْ *** مَا ايْحَنْ مَا عْطَفْ مَا يَلْيَانْ زَادْلِي تَنْكِيدَة
وَ اتْرَكْنِي طَايَحْ مَمْدُودْ *
مَا جْبَرْتْلُوشْ عْلاَجْ ايْفِيدْ *** وَ الهَوَى طَيَّحْنِي في مْنَادفُو بَعْدْ مْكيدَة
اُو جَرْنِي مْكَبَلْني بَقْيُودْ *
يا الِّلي زِينَكْ زِينْ فْررِيدْ *** يَا ععْلَاجْ الخَاطَرْ يَا طُبْ علَّتِي فَرِيدَة
ارْفَقِي يا امُّ حَاجَبْ سُودْ*
في المَحَبّة شَاقِي وَ سْعِيدْ *** من عْطَفْ مَحُبُوبُو يَهْنَا في حْيَاتْ لْذِيذَة
اومَنْ جَفَاهْ مَ الفَرْحَة مبْعُودْ*
يَا اللَي زَدْتِلِي تَنْكِيدِ *** اعْلاَش قَلْبَكْ مَا يَعْطَفْ مَا يْحَنْ يَا فَرِيدَة
وَ اعْلاَشْ بَابَكْ دِيمَا مَسْدُودْ *
عْلَى غْرَامَك مُوحَالْ انْحِيدْ *** رَاهْ سَاكَنِّي وَ مَالَكْنِي وْ صَارْلِي عَقِيدة
لِيهْ بَالِي و فَكْرِي مَشْدُودْ *
طَعْتَكْ كِيفْ تْطِيعْ لَعْبِيدْ *** تْأمْرِي مَا نَعْصِيلَكْ أمْرْ يا غْزَالْ البِيدَاء
أوَامْرَكْ طَاعَة لَابُودْ *
خُوذْ يا رَاوِي لِيكْ قْصِيدْ *** حْرِيرْ صَافِي وَمْرَصَّعْ باللُّجِينْ في تَشْيِيِدَة
كَنْزْ غَالِي مَثلُو مَفْقُودْ *
صَايْغُو مَاهَرْ بَالتَّأكِيدْ *** رِيَالْ ما يَخْفَاشْ اسْمِي في تْمَامْ القَصِيدَة
شْمِيخْ وَاقَفْ شُمُوخْ االطّودْ*
وسْلاَمْ رَبِي مُوصُولْ ايْفِيدْ *** لَلأشْيَاخْ أهْلْ الفَنْ المَاهْرِينْ لاَتَحْيِيدَة بَالمَسْكْ و عْبِيرْ الوُورُودْ*
و الجَاحَدْ خَلِّيهْ بْعِيدْ *** لُو ايْقَرَّبْ تُخْرَقْ ذَاتُو بَأنْصَالْ شْدِيدَة
يَسْتَهَلْ في عِينِيهْ عْمُودْ *
يا اللّي زِينَكْ زِين فْرِيدْ *** يا علاَجْ الخَاطَرْ يا رُوحْ رَاحْتي فَرِيدَة
أرْفَقِي يا امُّ حَاجَبْ سُودْ *********تمت بعون الله
محمد ريال .