|
الطالب
الطالب خَاطْرِي بَالْجَفَا تْعَذّبْ * لَبَا يَنْسَا الغْزَالْ مَسْبُوغَتْ الاْنْجَالْ نَارْهَا في الدَّلِيلْ تَلْهَبْ * حَرْقَتْ جُوفِي وَجَيْحَت غَصْنِي وَذْبَالْ مَا صَبْتْ طْبِيبْ لَلْغُزَلْ اعْيِيتْ انْسَالْ * قَلْبِي مَمْحُونْ بَالْغَرَامْ و مَرْضِي طَالْ أيْنْ دْوَاكْ يا الطَّالَبْ * غَابْ دْوَاكْ يَا الطَّالَبْ الطّالَبْ عِيدْ لِي لْرَبِي ** مْرِيضْ الْحُبْ بَاشْ يَبْرَا غَابْ دْوَايَا وْغَابْ طُبِي ** افْنِيتْ وْلاَ اوْجَدْتْ صَبْرَا عَمْدَا لِي يَا طبِيبْ قَلْبِي ** ضَمْرَتْلِي في الدَّلِيلْ جَمْرَة كَانْ انْتَياَ لْبِيبْ حَرْبِي ** سَبَّبْ وَافْهَمْ الإشَارَة شُوفْلِي في الْكِتَابْ وَاحْسَبْ * كَانْ انْتَيَا اطْفِيتْلِي هَذا الْمَشَعَالْ ذَاكْ اللِّي شْرَطْتُو وَاجَبْ * نَضْحَا عَنْدَكْ اخْدِيمْ مَمْلُوكْ بْلاَ مَالْ تَكْسَبْ وَالّا تْبِيعْنِي في يَدْ الدًّلاَلْ أيْنُ دْوَاكْ يا الطَّالَبْ ** غَابْ دْوَاكْ يا الطًّالَبْ شاَفْ الطاّلَبْ وْ قَالْ لِيَا ** عَمْدَالَكْ يا عْشِيقْ عَمْدَا مَاذَا جَرَّعْتْ مَنْ مُّنِيَا ** وَ مَا بَاقِي تْزِيدْ مُودّة لَكِنْ نُوصِيكْ حِلْوْ اوْصَايَا ** اصْبَرْ وَالصّبْرْ لِيكْ عَمْدَا وَاسْئَالْ من يَعْلَمْ الْخَفِيَا ** ذَاكْ اللِّي رَادْ بِيهْ يَسْدَا سَالْ رَبِي الْكَرِيمْ وَ ارْغَبْ ** سَامَعْ بَصِيرْ اكْرِيمْ مَا يَبْخَلْ من سَال عَلَى مَا في الْقلُوبْ رَاقَبْ ** اصْبَرْ لَقْضَاهْ كِيفْ يَصَبْرُو لَجْمَالْ لُو طَالْ السَّيْرْ لَاغْنَا تَنْزَلْ لَحْمَالْ ** ايْنْ دْوَاكْ يا الطَّالَبْ ** غاَبْ دْوَاكْ يَا الطّالَبْ يَا الطّالَبْ في كْتَابَكْ انْظَرْ ** لَحْرُوفْ الْجَلْبْ وَالْمَحَبَّة اكْتَبْهُمْ لي وْكُونْ شَاطَرْ ** بِيهْمْ رَبيِ يَدِيرْ سَبَّة يَهْدِي طَبْعْ الْغَزَالْ الأَقْفَرْ ** لِيَا وَ تْزُولْ كُلْ كُرْبَة طَالْ اعْذَابِي عْيِيتْ نَصْبَرْ ** مَا بَعْدْ اغْرِيبْتِي غْرِيبَة طاَلْ ارْجاَيَا اعْيِيتْ من التّعْبْ ** وَالتّعْبْ اللِّي تْعَبْتُو زَعْمَا بَاشْ أنَّالْ صَارْلِي كَاللّي يَتْسَبّبْ ** رُّوَّحْ مُوخُوذْ لاَ افْضَلْ لاَ رَاسْ المَالْ من خْلافْ التَّعْبْ وَالشَّقَا ذَاكْ اللِّي انّالْ * ايْنْ ادْوَاكْ يا الطاَّلَبْ ** غَابْ دْوَاكْ يا الطَّالَبْ قَالْ الطَّالَبْ اصْبَرْ عْلِيهَا ** وَاسْمَعْ لُوْصَايْتِي تْفِيدَكْ انْهِي قَلَبَكْ إذَا تْفَكَرْهَا ** وَانْسَاهَا كِيفْ مَا انْسَاتَكْ عَمْدَالَكْ ظَعْتْ من هْجَرْهَا ** وَ تْبَدَّلْ يَا عْشِيقْ لُوْنَكْ بَطَّلْتْ اصْوِالْحَكْ عْلِيهَا ** وَمْضَاتْ إيَّامْ مَنْ ازْمَانَكْ خُوذْ رَايِي وْلَا تْكَذَّبْ ** وَاسْمَعْ لَاهْلْ العُقُولْ كِيفْ تَضْرَبْ لَمْثَالْ لِيسْ المُرْ يَعُودْ طَيَّبْ ** اتْرَكْ مَنْ هُو صْعِيبْ وَ اتْبَعْ مَنْ يَسْهَالْ وَاصْبَرْ لَعْذَابْ عَشْقْهَا حَتَى يَنْزَالْ ** ايْنْ دْوَاكْ يا الطَّالَبْ ** غَابْ دْوَاكْ يا الطَّالَبْ يا الطَّالَبْ كَانْ كُنْتْ حَاكَمْ ** اقْبَلْ عُذْرِي وَسَاعَفْ امْرِي قَوْلَكْ من غِيرْ قَوْلْ عَادَمْ ** بِيهْ تْقُوَا وْ زَادْ ضُرِّي مَا نَنْسَا زِينَتْ السّْمَايَمْ ** غِيرْ إلَا انَا فْناَتْ عُمْرِي نَهْوَاهَا مِيرْتْ الْعُوَارَمْ ** هِيَ عَقْلِي وَضَوْ بَصْرِي أَهْ مَاذَا نْزِيدْ مْنَ الحُبْ** نَخْدَمْ مَنْ هُو خْدِيمْ في طُوْعْ أمُ دْلَالْ لَابُدَّ اللِّي بْعِيدْ يَقْرُبْ** وِإذَا رَادْ الكَرِيمْ يَا عاَرَفْ الامْثَالْ يَعْطَبْ من هُوصْحِيحْ وَيْطَبْ الْمَعْلَالْ ** آيْنُ دْوَاكْ يا الطَّالَبْ ** غَابْ دْوَضاكْ يا الطَّالَبْ قَالْ الطَّلَبْ احْصَلَتْ حَصْلَة ** في شَرْكَةْ قِيسْ يَا العَارَفْ قِيسْ عَامْ يْرْتَجَا في لِيلَى ** خَانَتْ في وَعْدْهَا العَاجَفْ وَانْتَ تَتْبَعْ في الْخَليلَة ** عَامِينْ وْ لَا بْغَاتْ تَعْطَفْ تَلْقَاهَا مَا جْبَرْتْ حِيلَة ** رَبِي بِيَا وْ بِيكْ يَلْطَفْ رَاهْ رَبِّي الكَرِؤيمْ رَاقبْ ** اللِّي هَوْلَتْ خَاطْرِي شَدْ التَّهْوَالْ ظَاقْ امْرِي وْصَرْتْ رَاهَبْ ** لُوْ نَحْكِي قَصّتِي لَشْوَهَقْ لَجْبَالْ يَذُوبُو من مْحَايْنِي وْيَضْحَاوْ رْمَالْ * أيْنْ دْوَاكْ يَا الطَّالَضبْ ** غَابْ دْوَاكْ يا الطّالَبْ يا الطّالَبْ لُو نْعِيدْ هَمِّي ** لَلْهَنْدْ يْذُوبْ من اشْكَايا كَفْ خْطَابِي اوْفِيتْ نَظْمِي ** نَشْهَرْ اسْمِي وَ مَرْتْجَايَا بَنْ سَهْلَا مَا خْفِيتْ اسْمِي ** اللَّبْدَا نُوّاحْ من هُوَايَا في القَلْبْ أدّرَكَتْ اهْمُومِي ** وَقْدَاتْ النَّارْ في حْشَايَا أهْ مَنْ لَا ذَاقْ لِيعَتْ الْحُبْ ** تعْذْرْنِي وَلَا تْلُومُنِي في هَذَا الْحَالْ رَانِي في المَامَاتْ غَالَبْ ** وَحْبِيبْ القَلْبْ طُوّلْ عْلِيَا المِجَالْ ما دَاوَانِي ولَا قْبَضْ عَمْرِي بَمْقَالْ ** أيْنْ دُوَاكْ يَا الطّالَبْ ** غَابْ دْوَاكْ يا الطّالَب تمت بتوفيق من الله. من كلام الشيخ محمد بن سهلة .رحمه الله. |
| الساعة الآن 06:17 PM. |
Powered by vBulletin
قوانين المنتدى