|
ملويات خفاف و هشاش
المكونات لتحضير هاد المليويات اللي تيجيو خفاااف وهشاش نحتاج الى المكونات التالية بيضة كاس زبدة (العنبة) مدوبة كاس نشا كاس ماء زهراو كاس ماء فيه قطرة من روح زهر خمارة الملح والدقيق الكافي طريقة التحضير في قصرية نخلطوا كل العناصر ثم نضيف الدقيق تدريجيا او من الاحسن نخلطوهم في الخلاط ثم نصبوهم فقصرية عاد نضيفوا الدقيق تدريجيا اللي يجمع لينا حتى الحصول على عجين رطب ولين ثم نشكلوه كريات صغيرة تقريبا 8 او 9 نرشوا الطاولة بالنشا ونسرحوا الكرة الاولى بالدلاك جيدا بالنشا حتى تصبح رقيقة ونوضعوها فوق بلاطو ونسرحوا الكرة الثانية بنفس الطريقة ونوضعوها على الاولى بعدما رشيناها بنشا مزيان وهكذا حتى نساليو كل الكريات نوضعوا المستطيل فوق الطاولة ونسرحوه جيدا بالدلاك دائما ونلويوه مثل الشنيك حتى الحصول على قضيب نقطعوه دوائر وناخد كل دائرة نسرحوها شوية بالدلاك وبعد الانتهاء نقليوهم في حمام زيت ونغطسوهم فالعسل ونرشوهم بالزنجلان او اللوز او كوكاوعلى حسب الرغبة ونقدموهم بالصحة والراحة تيجيو خفاااف وهشاش ولذاذ |
رد: ملويات خفاف و هشاش
السَّلامُ علَــــيكُم بارك الله فيــــــــــــــــــك يا طاطا براءة ربي يحفظك ويهنيك أسْتَغْفِرُ الله وأتُوبُ اليْه |
رد: ملويات خفاف و هشاش
و فيك بارك الله امورة ربي يسترك و يوفقك و يحفظلك احبابك
|
رد: ملويات خفاف و هشاش
ممممممممم رووووعة حبوبتي
|
| الساعة الآن 08:45 AM. |
Powered by vBulletin
قوانين المنتدى