يابارج مارج
 

يابارج مارج -------طاح قدرك واش يغلّيك
-حدبتك خارج --------مابقالك ثوب يغطيك
-متبيدّع هارج---------لّي صغالك غير مراييك
-اسمع للناسج ------كان تفهم ولا خاطيك
-لاتبقى عارج--------في مسالك ماهيشي ليك
-الكاذب طارج ------واش ينفع صياح الديك
-والبحر الهايج -----لاتعومه نفخة يديك
-هامالك غانج ------بلاشوايع شازاد عليك
-كي الدفلة باهج ----وغير يشقى من هو يسقيك
-فالوحلة زالج ------والمواير ماتخفى فيك
-لحمارك سارج ----لا تشالي وتهدر بيديك
-والنور الواهج-----ماتشوفه عامي عينيك
-هاوين تعالج-------غير ربي شكون يداويك
-تسرق وتبارج------نسيت علم لّي عالم بيك
أعييت تحارج ----اليوم راهم زلقو رجليك
والدنيا فالج----------كان دامت مالحقت ليك
-الحسبة والناتج------فالمسالة وسهمك يجيك
-السم الراهج-------راه ناغر وسط مساريك
-من الريح العاجج-----كان تحسب زيفك يحميك
-مافيه مفارج ------يالعكلي شوف نورّيك
-الفلك مدارج--------وملك ربي مافيه شريك
-بالقول الدارج------غير سلّم وارخي وذنيك
-لاباه تحاجج-----------ولاحديث الحق يواتيك
-الباطل خامج-------وبعد نفخك اركب عليك
-.محمد ولد بلمجاهد في بالول يوم السبت 23/01/2015

رد: يابارج مارج
 

رد: يابارج مارج
 

قصيدة جميلة واوصف معبر شكرااخى . بلمجاهد

رد: يابارج مارج
 

*-*-*-*-*-*--*- اضافة -*-*-*-*-*-*-*
كي الما هامج... لا شربة لا بنة فيك
كل شي معوج...من راسك ارجليك
ألف ألف شكر على التعبير الشيق و الكلمات المعبرة... راك ماخليت والو