منتديات الشروق أونلاين - طريقة اعداد المقطعة او المقرطفة بالصور من مطبخي

السلام عليكم و رحمة الله تعالى و بركاته

جبتلكم اليوم طريقة اعداد اكلة تقليدية في منطقتنا و لي اسمها المقطعة او كما يسميها اخرون المقرطفة

اترككم مع الصور و الطريقة بالتفصيل

ان شاء الله تعجبكم :12:

المقادير

سميد

ملح

ماء

نشاء او فرينة انا استعملت الفرينة لاني ماعنديش النشا

الطريقة

تخلطي السميد و مقدار من الملح و تبلي بالماء حتى تتحصلي على عجينة قاسية نوعا ما خليها ترتاح مدة من الزمن ثم اعجنيها مليح مثل ما تعجني الشخشوخة

اعملي منها كويرات و خليها ترتاح ربع ساعة

ثم جيبي الة الرشتة و اذا ماعندكش استعملي الحلال

فوتي العجينة في الرقم 1 ثم 3 ثم الرقم 5 و كل مرة امسحي سطح العجينة بالنشا باش ماتلصقش

بعد ذلك فوتيها في الة الرشتة تتحصلي على

جيبي كساس ادهنيه بالزيت و ادهني المقطعة بالزيت كذلك باش ماتلصقش شوية زيت برك ماتكثريش

و حطيها تفور على قدر فيه ماء

ثم وجدي المرق نتاعك بالدجاج او اللحم و اذا ماكانش ماعليش

لما يوجد المرق ارمي المقطعة و خليها تغلي حوالي دقيقتين لحين ماتطيب المقطعة و اطفي النار

و اذا حبيتيها حارة تقدري اضيفي رؤوس فلفل حار

و بالصحة و الهنا