منتديات الشروق أونلاين - حلوة عش النحلة

http://www.dzbnina.com/wp-content/up...5/06/nahla.jpg

مقادير العجينة:

– 3 كيلات فرينة.
– 3 أرباع الكيلة مرغرين أو سمن ذايب و بارد.
– قرصة ملح.
تدخلي المرغرين مليح في الفرينة والملح و تلمي بماء الزهر حتى تتحصلي على عجينة متماسكة و الشرط الأساسي هو تخلي العجينة ترتاح على الأقل ساعتين باش الشكل يبقى هو هو لا يتغير.

مقادير الحشو:

– 3 كيلات لوز أو جوزمرحي رقيق أو الإثنين.
– كيلة ناقصة سكر عادي.
– شوية قرفة و تلمي بماء الزهر و تخليه يرتاح و منبعد إذا لقيتيه يبس شوية زيدي له شوية ماء الزهر المهم تتحصلي على عجينة طرية تقدري تشكليها حربوش.

طريقة التحضير:

– بعد ما ارتاحت العجينة حليها حوالي 2 ملم على شكل مربع كبير و حطي على طرف العجينة الحشو على شكل حربوش سمكه حوالي 2 سم أو أكثر حسب الرغبة و ابدأي رولي ديري زوج 2 دورات وقطعي بالسكين.
– سقمي مليح الحربوش تاعك و خلي الحافة اللي قصيتي منها من تحت, غطي هاذ الحربوش بنيلون وكملي بنفس الطريقة على باقي العجينة.
– بعد ذلك ابداي النقش باللقاط، تنقشي كامل الحربوش بلا ما تنقشي من الجوانب خليهم منبعد ما تقطعي المقروضات و ابداي قطعي مقروضات بسكين حاد باش ما يفسدش الشكل تاع عش النحلة.
– حطيهم واحدة جنب الأخرى بحيث يكون الحشو الى الداخل باش ما ييبسش كيما نديرو في المقروض.
– طيبيهم في الفرن على درجة حرارة 180 وخليه حتى يحمار شوية برك من تحت و شعليلو من فوق بصح يبقى لونه أصفر فاتح باش يجي باهي كيما الشهدة.
– كي تخرجيه هكاك سخون حطيه في عسل بارد مخفف بشوية ماء الزهرو خليه 10 لى 15 د في العسل وشهية طيبة.