لو باقي شي مانسيته
من حبي اللي خذيته
ارجوك راجع حسابك
ورد ماتبقى وخفيته
اتعبتني وماكفاك
وضيعت عمري معاك
واشقيتني في هواك
وجرحت قلبي وكويته
وش باقى اكثر ياقاسي
هدمت مبنى اساسي
وما بقى منهو يواسي
وماضي حياتي طويته
وهانت عليك المودة
تبني غرامي وتهده
يطلبك قلبي وترده
انا اشهد انك شقيته
ياويل ويلي ياويلي
اسهرتني تالي ليلي
ومدام تبغى بديلي
خذ ماتبقى وخفيته

يوسف الدوسري