|
ما عنديش الزهر
ان شاء الله نقص لك حكاية و هي من الأساطير و من الحكم الشعبية
قالك وحد المرة كيما كل المرات لمرو فيهم لحكايات واحد الأنسان يمشي و هو غضبان و حكمينه لحزان يتمشى و يقول كيفاش أنا ماعنديش الزهر الزهرة عندها الزهر زوهير عنده الزهر و انا ما عنديش الزهر القى وحد الشيخ كبير وعلى وجهه نور كلموا الشيخ بصوت طيب و حنين قالوا يا وليدي ما لك حزين امس ديك الدمعة من دوك العينين لوليد بدى يحكي لحكاية من البداية حتى لبلغ النهاية قالوا نوصيك ياوليدي و ننعت لك وحد البلاد ترى فيها العجب من العباد دخل بلاد و خرج بلاد ثالث بلاد أدخل وسط مدينتها تصيب خلق كبير منهم قصير القامة و منهم لي داير عمامة كاين لي هالكاتوا رجلة الفهامة و سئل سؤالك دار عليه داك الوليد لي ماعندو حتى زهر على حساب مايهدر دخل بلاد و خرج بلاد في ثالثها ادخل و سول على وين يجبر مولا محنتها وقف في وسط عجايب الخلق بغي يتكلم لكن لسانوا هايب دار الشجاعة قالهم يا جماعة و ين هو زهري يا زهري أرحمني شوية أنطق زهروا قالوا أنا هو زهرك واش حبيت قال الوليد سقم روحك شوية تتسقم لي ليام و نوض اي نهض اوقف بركاك من العود و الكمنجة أوقف شوية و تمشى باه يتمشى زهري معاك أنطق مولى دعوتوا قالوا اسكت و لا نزيد نرقد أنت راه عندك زهر طحت مع واحد موسيقار يتقن السنيترا و زيد الطار |
رد: ما عنديش الزهر
حكاية جميلة فيها عبق الماضي
سلامي و تقديري |
رد: ما عنديش الزهر
اقتباس:
الحكاية هي من خيالي موجهة للناس التي تقول دائما أنا ماعنديش الزهر و هده أمور الله تعالى لبد للمرئ لأن يتقبل ما عطاه الله سبحانه تحيتي سيدي محمد مخفي |
رد: ما عنديش الزهر
حكاية رائعة و جميلة جزيل شكري تقبل مروري |
رد: ما عنديش الزهر
لم أعلم أخي المخغي أن دارجتنا فيها هذه العذوبة النرجسية
دمت ودام قلمك للمنتدى |
رد: ما عنديش الزهر
اقتباس:
أخت حسناء تحيتي محمد مخفي |
رد: ما عنديش الزهر
اقتباس:
و الحمدلله أعجبتك و أعجبت الأخوة و الأخوات الأعضاء تحيتي محمد مخفي |
| الساعة الآن 01:11 PM. |
Powered by vBulletin
قوانين المنتدى