|
يا قلبي
يا قلبي عييتني ماكش صبار*******واتبع علاه؟... ديما في رايك
تجحد عني ما تعيد لي لخبار****** انت مني... اتسالني و انسالك يا قلبي... بركاك من التفكار ********و الماضي خليه واش ابقالك عف عليا راه كثرتلي لضرار*********لا تنبش في الفايتة رد بالك لا تحيي لجراح انسى ما صار *******لا نسمعلك هيهات دس كلامك اجرحت الكبدة واشعلت النار********و احرقت اعظايا بحر اجمارك يا بوجادي قيلني بعد لوعار**********أنيا مهموم... و انتايا سالك يا قلبي خليك ما تذوقني لمرار********تتجرع كيسان و تمسى هالك ماشاورني راح فرفر طار*********** راني خايف لا تودر عنوانك لا تامن في ذالزمان الغدار********** يا ما خان من وراك و قدامك و هاذ الدنيا لعبت بناس اخيار******** و انت يا حصراه وين امثالك؟ يا قلبي بركاك هذا عيب و عار******** اتفكر ما فات واش اصرالك ما تدي عبرة ما تعرف احذار******** اموصلني راك! لندامة بافعالك شاورني فالراي يالوكن انهار******* و كون ارزين باه تعرف ميزانك لا تقصبشي كون فاهم للتعبار******** ولا تتسرع كون حافظ لسرارك ساعف روحك راك هش مالفخار******* لاتتغر!... و نتهان علا جالك سبحانك يا خالقي عالم لقدار*********** يا مهون غير افتح لي بابك بجاه النابي المصطفى المختار********* راني طامع فالعفو و غفراتك شافي لي يا رب ذالقلب المحتار******* يتقوى ويذوق حلاوة ايمانك... تمت بقلمي chawki dz أرجوا أن تنال اعجابكم و السلام عليكم و رحمة الله |
| الساعة الآن 06:28 PM. |
Powered by vBulletin
قوانين المنتدى