يا همي طاح الغيم اسود على لغواط********** درق عني مراسم كانو يتراحو

فطت روحي شايشة من اتنباط ************ فرفرقلبي كاللي مطلوق اسراحو

حسيتو معصور جا من صدري فاط ********** كاللي راجع صاد يحنن لمراحو

نعت اللي يهمص عالشوك بلا سباط *********احليلومخطوف عقلو ضاع اصلاحو

ركب مزني دار سحاب بلا تحطاط ********** دك اركايز شور المرسم طاحو

يا و خذي اسواد كافو يا عياط ************ و جار عليا كي الجاهل بسلاحو

ماضنيت ابعاد الزايخة يعود اقناط *********** بحر هواها هاج بمواجو لاحو

اتفكرت ايام فيها قلبي حاط ************** متهني بالريم طاير بجناحو

و اليوم اشهيلي راه علينا ساط************ غربي لافح راه موذي بارياحو

صدري ضاق و متحرك قلبي زرياط********** وفاضو عينيا بدموعهم عني ساحو

غرامك يا زايخة ما عرفوه ارهاط*********** ما حسوه اجيال ولا بسرارك باحو

كامي سرك في داخلي ماني لغاط*********** حين اعشقتك واه اجوارح راحو

من بعدك عني كل شي راه اسماط ********** شاكي لك يا خالقي ذالجوارح جاحو

وليت نسركب فالمراسم باكي عياط********** وانلولب مجنون كاللي امودرمفتاحو

امغيم سكران ولا وسط احواط ************ امنشبني جني طيار واعر بارماحو

لالي حاكم افقيه يعرف لتسواط *********** داري بالعلوم الخافية يفك اسراحو

يا قلبي من وجعك راني قماط************ ماني طايق للصبر حنضل باملاحو

ما لقيت طبيب لجرحي ماهر خياط********** ويصأسل مشعال من الكبدة لاحو

خيالك ساكن في داخلي عنو لهباط ********* وسوسني يا قاهرة و كثر تنباحو

وابعد وكرك بينا و بينو لخراط************ لالي شايش كاسح طاير بجناحو

يرفدني و يطير بيا ماهو حاط ************ ايفاجي عن ضباب عينيا يصحاحو

لاهف وحشك يازينة الرمقة شاط*********** غير انشوفك تهدى لخواطر يرتاحو

نسسعد بشوفتك ياريم اللهبى نطاط ********** نتنزه و يزول ذالغيم اوشاحو

يا شومة في حبها ماني فراط ************ واش فراكم في الحديث و تلماحو

وكل واحد يلهى بروحو يا سماط************ ما شاورتوني ما قتلكم ارواحو

نمرمد روحي في ربيعك بالتخلاط *********** و نغنم حسن لياس بزهارو فاحو

مشمومك دقول راهب من لقباط *********** اخيالك و شوايرو ع العين تلاحو

قدك يا زايخة ما نقولش مطاط************ وصدرك للوكال يشهي تفاحو

يا ليعة و غرامك راه عني ساط************ واسجن قلبي جور واكثر تنواحو

وارماني في برور طايرها وطواط*********** وين احنانة قلبك وين اسماحو؟

اقهرتيني كاللي عاقب ع السيراط *********** و سجانك قاسي علبا بسلاحو

دخلتيني في بحورك بلا تشراط************* اقفلتي عني باب يصعب تفتاحو

ما شفيتك فكي عليا ذالترباط ************* ارصدتيني في غرامك و اجماحو

عدت انهاذي وانهوم في لرباط************ تايه كي المهبول وافكاري راحو

نحس قلبي دقول مشدود بلقاط************ قيس المغرب تلقى اضراري اكساحو

اعفارك اصعيب فيه سبع اشواط*********** ما طقتش رنديت مصعب تكواحو

جرحك يدمى ماشفى ديما نفاط ************ كي فصل الخريف يدمى بجراحو

ساهر باكي نبات ليلي لهاط ************* و محماح الكبدة ماحرش تنواحو

شيطانك امشوم شاطر فتنقاط ************* املكني عنتير حبك قاسي سفاحو

حشمتك بالله انهي ذالبطاط************** ما قلتي مسكين كثرت اقراحو

قلبك قاسي كاللي رافد مسواط************ ما عندو رحمة ولا يرحم وحواحو

يا محبوبي محبتك عادت تسماط************ جافيتيني بلا سباب وسبابك طاحو

ما عندي عقار يرصد ذالعفاط ************ يعف عليا يروح يقضي اصلاحو

بهدلني هواها ماعادش حاط *************شفى ذالعديان و انسيت افراحو

اردمني فجوف القبر حط المقاط *********** نسمى مرحوم فاني واهلي ناحو

ما نسمح لك قد ماحاط و ماط************ وذنوبي راهم قاع عليك اتلاحو

نوكل عنك خالقي ماكادو مهباط************ ما يبهدل موحال حاضي مداحو

نتمنى اتنور حالتي في لغواط************* وتسعد ايام الشاعر وتزيد ارباحو

مول العهدة وين جميلك يا خراط***********و كمل خيرك بالنصايح يفلاحو
أمليلو ذوك القراير أولصماط*************ابدعوات الخير في اجنانو فاحو

بجاه الأنبياء والرسل كامل تلقاط *********** مع الصلاح و الأوليا واللي راحو

هذا حد روايتي هذا ما خاط************** شاهي زورة للنبي يا سراحو...