|
زلاَبيــة بطريقة سهلة وناجحة من مطبخي
السلامُ عليكم ورحمة الله وبركاته اليوم اتيتُ لكم بوصفة من مطبخي لزلابية البنان ،سهلة واقتصادية وناجحة 100 % http://store1.up-00.com/2016-03/14582990829431.jpg نبدأ على بركة الله بالمكونات: 2 كأس ماء ربع كأس زيت قرصة ملح 2 ملاعق كبار عسل 1 فاني 2كأس ونصف فرينة وللتزيين العسل { لازم يكون عاقد } الكيفية: في إناء نضع الماء + الزيت + قرصة ملح + 2 م عسل ، ونضعهم في نار هادئة حتى الغليان ، ثم يتم اطفاء النار مباشرة، واضافة الفاني + الفرينة .. ونخلط حتى تتشكل عجينة وهي ساخنة نشكل بالكيس الحلواني به بوق مسنن نشكل أطوال متقايسة، { يجب ان لا تكون باردة } ثم نتركها تبرد ، حتى تتماسك جيدا ، ثم تُقلى في الزيت على نار هادئة حتى تحمر من كل الجوانب ، وتكون مُحْمرة جيدا و متماسكة { مهم جدا } ثم يتم غمسها في العسل { يكون عاقد } ... وبالصحة والعافية :8: |
رد: زلاَبيــة بطريقة سهلة وناجحة من مطبخي
فطوم هايلة بصح راي تبان خذت لون زيادة شوية في القلي هههه
إن شاء الله غيرها تكون خير |
رد: زلاَبيــة بطريقة سهلة وناجحة من مطبخي
فطوم وينك علاه حطيتي الزلابية و هربتي ههههههه
|
رد: زلاَبيــة بطريقة سهلة وناجحة من مطبخي
السَّلامُ علَــــيكُم
الله واخيرا وجدنا وصفة ناجحة ان شاء الله نجربها ، وكما قالت طاطا أمسنة زايدة قليان وممكن من الصورة برك يعطيك الصحة يا فاطمة بوركت أسْتَغْفِرُ الله وأتُوبُ اليْه |
رد: زلاَبيــة بطريقة سهلة وناجحة من مطبخي
اقتباس:
ههههه لا ماشي في القلي ... كانت محمرة بزاف،و العسل صنعتو في البيت .. كان شوي غامق ... زاد الطين بلة هههه وزيد درتو البارح بعد المغرب بسرعة ههه والصورة مااستعملتش الفلاش ههه اقتباس:
شكرا لمرورك حبوبتي ... :13: |
رد: زلاَبيــة بطريقة سهلة وناجحة من مطبخي
لا هي ماشي من الصورة يا جود الصورة حقيقة سبب في ذلك هو هاذوك 2 مغارف تاع لعسل لأنهم يعطوا لون مع القليان سريع كان من الممكن أن تكتفي بواحدة و تعوض بالسكر و تراقب حرارة الزيت
|
رد: زلاَبيــة بطريقة سهلة وناجحة من مطبخي
اقتباس:
اهلا اميرة نعم ناجحة يا غالية... فقط في القلي لازم حتى تشد روحها مليح .. لانو مين تزيديلها العسل شوي ترطاب **** شكرا لمروركِ عزيزتي في انتظار تطبيقك :13: |
رد: زلاَبيــة بطريقة سهلة وناجحة من مطبخي
السَّلامُ علَــــيكُم
صح بارك الله فيك طاطا امينة على التوضيح سما كان نديرها نحط ملعقة واحدة واخرى سكر ؟؟؟ أسْتَغْفِرُ الله وأتُوبُ اليْه |
رد: زلاَبيــة بطريقة سهلة وناجحة من مطبخي
فاطمة حبيبتي صدقيني حتى العسل المشري كان راح يسببلك نفس المشكل و هذا طبيعي جدا
على هذا قتلك إنو كان من الممكن الإكتفاء بملعقة سكر أو ملعقة عسل واحدة و مراقبة درجة حرارة الزيت ثاني يعني تكون متوسطة في حدود 160 درجة و على نار هادئة نسبيا باش الطيب الطيب الزلابية من داخل و يمكن رفعها لحدود 170 درجة باش تجي مقرمشة من الخارج و يا جود ما تحطيش ملعقة عسل و ملعقة سكر ديري وحدة منهم يا سكر يا لعسل و بصحتكم حبيبتي |
رد: زلاَبيــة بطريقة سهلة وناجحة من مطبخي
اقتباس:
فقط هي في الاول مين تديريها في العجينة وتقليها لو تشوفي لونها كان محمر ... لكن بعد اضافة العسل يعني مين تغمسيها في العسل ... وتخليها لربع ساعة او اكثر تصيبي لونها هكا... وخاصة العسل لي استعملتو كان غامق بزااف... لاني ماشي اول مرة نديرو .. بل شحال من مرة... ويجي لونو شباب بالعسل الي نشروه ... |
| الساعة الآن 01:14 PM. |
Powered by vBulletin
قوانين المنتدى