|
المرض الصعيب
السلام عليكم جئتكم اليوم بقصيدة هي الأولى لي في هذا المنتدى الطيب بعنوان "المرض الصعيب "وهي قصيدة اجتماعية على شكل قصصي تتكلم عن الحب والزواج وغلاء المهور و.... جاني مرض صعيب **** وطحت فراش ايامات ما نفعني قُول الطبيب **** ولا نوضوني ذوك الدواوات اللي يحوس يفهم يخيب **** وما فهمو فيا العلامات الوجه مصفار وشحيب **** ولا تونسيون سيس،سات (6.7) (la tension) جا بابا وثرن مجرب **** قالي يا وليدي عندي إحساس هذي حاجة ضربت فالقلب **** وعندك رسمي الستراس قل لي شكون اللي راك تحب **** وعطيني إكزاكت لادراس نروحو إن شاء الله تخطب **** وتولي كي بكري لاباس قتلو يالشيخ والله غير هي **** وهاذ الشي اللي متعبني شفت نهار واحد لبنية **** حبها طغى علي وغلبني ماعلاباليش واش بيا **** خيالها ديما متبعني وقيلا يلزمني رقية **** الشيخ الحسيني يريقليني مرات نقول ندير النية **** نخطبها وخطرات نقول خليني والشي الأساسي فالقضية **** ما نعرف إذا الشعور تبادلني هذي هي الوضعية **** وهذا التخمام اللي مرضني قالو يا وليدي شوفها **** مليح وشوف قبل نت روحك إذا عزمت روح اسألها **** قولها هل نقدر نجي لأهلك الفاميليا نتاعي نجيبها **** باش نشالله نخطبك والحاجة خير ربي يكتبها **** وكي تستخير شي ما يضرك السيد تم تم صحا **** تقول ماكان عيان وجهو تنور مالفرحة **** بعد الكدرة ولى زهوان وكأنو ماادى ذيك الطيحة **** وماكان مهموم وديخان قالو ياباب يعطيك الصحة **** وكيفك ما خرج هاذ الزمان راح ليها كلّمها **** وهو شوية حاشم يابنت الناس قالها **** راني حاب ليك نتقدم على سنة سيدنا طه **** وقتاش نجي لداركم والمفاجأة هي أنها **** كانت بيه تاني تحلم من شوقها قاتلو اليوم ولا خليها **** حتى مع دارنا نتكلم وكي قالت لباباها **** فالها ماعليش مرحبا بيهم جاو للدار وقالو **** جيناكم بلحسب والنسب رانا منكم نأملو **** وليدنا في بنتكم راغب نتمناو نشالله تقبلو **** وتعطيولو ما طلب سألو واش الخدمة **** طبيب مهندس ولا طيار والدراهم يا درى كشما **** والسكنى كيفاه الدار بنتانا لازم تعيش مكرمة **** وحنا عايلة ملكبار لازم تعيش في فيلا **** تطل علبحر النسيم تشمو والطوموبيل مرسيداس كحلة **** والمفتاح هي اللي تحكموا البارور لحزام والسنسلة **** 18 كارا باش نتفاهمو وحاذرولنا على يدين الطفلة **** والبيت كثرو من خُدّامو الكنيس والمسيح والشغل لالا **** ووليدكم ما يمشي عليها حكامو وفاسبانيا تجوز العطلة **** مصر وتونس بلايص قدامو هذي هي شروطنا كاملة **** وعندكم الوقت باش تخمموا قالو وليدنا طالب داريار آني **** وكي يتخرج يخدم محامي وعندنا تراب ذرك يبدا يبني **** لكن دوماج ما عندوش البارمي تلقاو فيه الإنسان الحقاني **** بدينو متمسك محتمي نطق هو قال في عيني **** نحطها بنتك يا عمي تنهد باباها بالزفرة وقال **** يا فلان روح مازالك صغير الزواج للناس الرجال **** اللي تعرف فالدنيا تسير الآن ماشي الأخلاق المال **** اللي تخليك وش تحب تدير رانا رافضين وبنتنا محال **** بعد العز تروح للحصير الولد تحطم يبسو رجليه **** والطفلة ثارت في وجه باباها قاتلو حرام عليك إيه **** وفكراتو في فقرو وغنا ياماها قاتلو غير هذا اللي نقبل بيه **** وحاجة اخرى ما نرضاها قالها إذا صممتي وراسك ركبتيه **** الأبوة نتاعي منّك ننزعها قعدت تندب حظها تبكيه **** وتشكي للرحمان حالها وصاحب دعوتها سقسات عليه **** لقاتو هبل كوارطو دفعها ما يجيب حد يعيطلو يناديه **** حوايجو فالطريق يقطعها يتحسر عالوضع اللي وصل ليه **** سمح فروحو الدنيا كرهها قال لهاذ الدرجة ولات المادة **** تِثر على حياة العباد لوكان عرفت الدنيا هكدا **** نعيا عالدراهم مانشوف رقاد كيفاه المرفه إذا قال أدّا **** وانا ما قدرت ندّي سعاد أكيد أنو يغيض .. صح .. نكمل إيه هذا حرموه من طفلة **** مابالك اللي يحرموه مالجنة غدوا كي يوقف قدام المولى **** وكتابو بالشمال يقراه مو باليمنى وش راح تكون تما الحالة **** ووضعية السي خونا يقول لوكان كنت ندري **** أنو المعيار العمل الصالح نجعل قول الخير ذكري **** نجتهد المستطاع ما نريّح نعمل لما ينجيني في قبري **** وفجمع الحسنات ما نسمح أيا حنا مادام عرفنا **** والوقت علينا مازال ما فات نعلنو لله لكريم توبتنا **** من وش درنا صغير وموبقات نبداو بالشي اللّول اللي يسألنا **** الله الله يا خوتي فالصلاة واذا حسن الخاتمة تمثلنا **** بين الأعين يرزقنا النجاة |
رد: المرض الصعيب
اقتباس:
شكرا على مشاركتنا هذه القصيدة وأهلا بك بيننا أخي تحياتي الخالصة إليك |
رد: المرض الصعيب
قصيدتك لسان حال الكثير من الشباب كان الله في عونك و عونهم بارك الله فيك و مرحباً بك بين إخوانك و أخواتك |
رد: المرض الصعيب
لله درك يا أخي وضعت أصابعك على الجراح هذا ما آل إليه زماننا يقاس الرجال بالمال أبدعت وأجدت ننتظر قصائدا أخرى فلا تطل أرجوك مودتي |
رد: المرض الصعيب
السلام عليكم ورحمة الله
بوركتم جميعا على المرور وإن شاء الله نقدم القصيد الذي يرقى لمستوى أذواقكم وقد أرفقت الصوتيات حتى تكون سهولة في القراءة والاستيعاب موفقين |
رد: المرض الصعيب
لازم تعيش في فيلا **** تطل علبحر النسيم تشمو والطوموبيل مرسيداس كحلة **** والمفتاح هي اللي تحكموا البارور لحزام والسنسلة **** 18 كارا باش نتفاهمو وحاذرولنا على يدين الطفلة **** والبيت كثرو من خُدّامو الكنيس والمسيح والشغل لالا **** ووليدكم ما يمشي عليها حكامو وفاسبانيا تجوز العطلة **** مصر وتونس بلايص قدامو هذي هي شروطنا كاملة **** وعندكم الوقت باش تخمموا مع تفاقك عدد العوانس فلا أظنّ أنّ هذه الشّروط ما زالت مطلوبة أبيات جميلة و لكن للأسف لم أتمكّن من الإستماع إليها لا أدري أين الخلل؟ تحيّتي |
رد: المرض الصعيب
السلام عليكم
أختي إخلاص الرابط يعمل إخوتي الكرام انا جربته الان ونجح معي التحميل فالضغط على الرابط يوصلكم إلى صفحة الرابيدشار للتحميل، وفيها بالاسفل جدول يتذيله زوج من الازرار أحدهما مكتوب عليه Free هو المعني هنا، اضغطوا عليه . سيذهب بكم المتصفح إلى صفحة أخرى، انزلوا فيها قليلا ستلاحظون عدادا بالاعشار والثواني، انتظروه حتى يصل الصفر، عندها يظهر أمامكم مربع معنون بـ: here إلى يساره أحرف ثلاثة، انقلوها في داخل المربع، وانقروا بخفة دائما على الزر يمين المربع والذي كتب عليه Download جربي ورديلي الخبر موفقة |
رد: المرض الصعيب
اقتباس:
و أخيييرا نجحت:) شكرا على الشّرح أخي الإستماع إليها أفضل بكثير من قراءتها نبعت حروفك من أعماقك:) صوّرتَ الواقع المعاش رزقك الله من حيث لا تحتسب و نسأله أن يرزقنا جميعا حسن الختام و فيك بارك الله |
| الساعة الآن 01:09 PM. |
Powered by vBulletin
قوانين المنتدى