هاج الخاطر بالمحاين واتقشلم----وهمي سدى على روس جبالي
فاض الدمع وجاه وادي متلطم----اسوادو لرسام كي جاو اقبالي

انحس ابمشعال يقدي و يفحم----في صدري بركان لابا يطفالي
اتفكرت ايام في ذاك المرسم----و حن قليبي ليه و اتقيثر حالي

تشهد ذي لرسام ياما درنا ثم----ما تحلى الدنيا من دون اغزالي
تتباها لعطاف بازهار الموسم----و انواوير ربيع في البر الخالي

قدت لي ليام و السعد اسقم----وطلت بدري بالزهر عطاها لي
زاهي بغزالي ما نيش انخمم----فارح بيه و دايرو وسط ادوالي

أوهبها طولة و القد امسقم----دار لها مشية كي الريم الفالي
الا برمت عينها فيا نتعثلم----صيادي بالسهم يرمي عن جالي

اذا ضحكت تسلبني بالمبسم----واذا سكتت كملت واش ابقالي
مطبوعة لاسنان جوهر فالفم----و كي تتكلم نغمة اناي و تحلالي

كي تتلفت صيفة البدر الا تم----جملة حارو فيه العشاق امثالي
نعت القمرة تضوي ع المعلم----اعقاب الليل اتبان تسطع فالعالي

ريحتها عنبر تقدم ليه واشم----و لا مسك يفوح يشفي لعلالي
تشبه زهراربيع فاتح وامرقم----متخالف فالنوار بلوان اتلالي

من يتمعن زينها عقلو يتقم----يبات يخمم واش يسعى من تالي
شوفتها تمرض العاشق يسقم----و يجافيه النوم كيما يصرالي

يسعد من كانت مكتوبو ينعم----يسكرعنها حوش سورو عالي
يحجبها على العامة و ايقمقم----معيون الحساد ربي يحميها لي

http://www.djelfa.info/vb/images/smilies/19.gif
تمت بقلمي chawki dz
http://www.djelfa.info/vb/images/smilies/19.gif
http://forum.galbdz.com/styles/intre...ype/Inlove.gifhttp://forum.galbdz.com/styles/intre...kype/Heart.gifhttp://forum.galbdz.com/styles/intre...ype/Inlove.gif

المشاركة الأصلية كتبت بواسطة warda22 (المشاركة 2134471) هلا شرحت لي الكلمتين اتقشلم يتقم لا افهم في الملحون لكنك أجدت العزف على وتر الحرف تقبل تحياتي

شكرا على مرورك على متصفحي و على ردك الجميل
أما الكلمتين فشرحمها كالآتي
-اتقشلم\ غيم بالغيوم السوداء و انقلب الى أسوأ
-اتقم\انغم من فعل غم يغم