|
عيـــد المــراة
عيـــــدك عيــــدتيه ونعــيدو ياعيـــادة *** وذا العيـــد يتعاد عيـــدو عالنسوان
كــــــل مرا من الحـــــدادة للحـــــدادة *** نســــوان الجزائر امــنا عز لوطان نزهـــــاو لك جميع ونباركو يــاودادة *** فـــيك الام والاخت والصديقة بحنان بروايــــح وعطور قلـــوبنا فرهـــــادة *** وانـــــت الياقوت مشـلل عالمرجان يرزقك ربـــــي ايامك عـــــز وسعادة *** ويحضـــيك ك الــوردة وسط جنـان ما تعــــرفي تشقاب ماتعرفي تنـــكادة *** وربـــي بسور يغلقلك باب الاحـزان ويجـــــعلك خالقـــــي للــــراي سدادة *** جــــلاية هــــموم فجـــاية امـحـــان شفايــــة المعطوب للجرح ضـــــمادة *** ســــعفاية المغبون سلايـــة الغضبان يامن جــــعلك ربي نجـــمة وقــــــادة *** تـــــلالي فالســــما عقب الليل تبـــان ساحــــة قلبــــك تصلح لصلاة سجادة *** وجواجيك شهدة تروي كل عطــشان بنــــت بلادي من بــــــكري ميـــعادة *** وقـــــت الحيف حربية قدايـــة نيران معــــروفة واقـــلام التاريخ جـــــرادة *** والتــــــاريخ يــــاك مايــقلبو نســيان مكتوبة امجــادها في العدو مرمــــادة *** صــــفادة كل غـــريم ذلالة عـــــديان منـــــها ديــــقول شدتو حمى رعــادة *** وقـــــت الشتوة مصـيهد من الحــمان ناشـــــف دمـــو وريقو سبا عالوسادة *** يهـــــبزط قــــال بردو لذي النــسوان ريمات الخودات صيل طهارة وعبادة *** ماتلقـــــاش زيــــهم ذا زين العربــان بطــــن دزايـــر فــي الحــرات ولادة *** مختـــومة على االجبين عزة وشــــان مـــــن يعــــايرو نسوانا يسمو حسادة *** ومــــــن يغتبهم في ضميرو شيــطان قصـــدي ذوك لجناس عــرة وشـوادة *** ومن خرجو ع الملة شركو بالرحمان عــــيد سعيد مبـــارك الــف زيــــــادة *** والــــف سلام ليكم يامجمع النســوان طيــــور البلبل راها ليــــكم غـــــرادة *** ووسط بحـــور زاغرة بيــــكم حيتان بالصــلاة والسلام على اشـرف السادة *** نخــــتم ذا المــــقال وحـــمدي للديان ........................والف صلاة وسلام على طه العـــــدنان.................... بقلمي 2016/3/8 |
| الساعة الآن 08:52 PM. |
Powered by vBulletin
قوانين المنتدى